Luku 8:10 - The Agni Sanvi NT of Côte d’Ivoire

¹⁰ Zozi kɔ bua bɛ́ kɛ: “Ɛmɔ dɩɛ, nvɩalɩɛ nun ɛjɔlɛ'n m'ɔ tʋ de Nyanmɩan Belemgbin Mân'n, Nyanmɩan a yɩ a hele ɛmɔ. Nan menian bʋ nga'n-mɔ dɩɛ, bɛ bu yɩ́ anyɩnndala nun bɛ kele bɛ́. Ɔ man bɛ nɩan yɩ́ bɛ́ nyɩnsʋ bɔbɔ a, bɛ nnwun man yɩ́. Bɛ tie bɔbɔ a, bɛ ndɩ man yɩ́ bʋ.

Luku 8:10 Iomraidhean Croise

Matie 11:25

Mɛlɛ sɔ nɩn anun, Zozi kukuli yɩ́ nʋan sʋ a, yɩ́ nwan: “Mɩ́n Sɩ, wɔ́ mɔ ɛ tɩ anwunno nʋn asɩɛ nɩn asʋ Mɩnlɩan'n, mɩn 'da wɔ́ asɩ. Ɔ sanlɩn kɛ a fa ninnge ɛhɩ-mɔ a fɩa ngɛlɛfʋɛ'n-mɔ, ɔ nʋn menian'n-mɔ mɔ bɛ sɩ ninnge dɔʋn'n, yɛ̂ a yɩ a hele mmatʋnman'n-mɔ.

Matie 16:17

Ɛhɩ a, Zozi nwan: “Zonasɩ awa Simʋn, nyila hán wɔ́. Ɔ sanlɩn kɛ nán kulo sʋanlan yɛ̂ ɔ'a man a nwun yɩ́ sɔ ɔ. Nan mɩ́n Sɩ m'ɔ wɔ anwunno ɛlɔ'n yɛ̂ ɔ'a man a nwun yɩ́ ɔ.

Maakɩ 4:11

Ɛhɩ a, Zozi nwan: “Nyanmɩan Belemgbin Mân'n mɔ anɩn ɔ tɩ nvɩalɩɛ nun like'n, ɛmɔ dɩɛ ɛmɔ asa a han yɩ́. Nan bɛ́ mɔ bɛ wɔ gua nɩn asʋ'n, bɛ́ dɩɛ, yɩ́ kʋalaa sɩn anyɩnndala nun,

Maakɩ 4:12

afɩ man Bɛ nɩ́an yɩ́ kpa bɔbɔ a, bɛ nnwun man yɩ́. Ɛsɛ man bɛ tíe yɩ́ kpa bɔbɔ a, bɛ ndɩ man yɩ́ bʋ. Sɛ ɔ tɩ man sɔ a, ahan b'a kaci bɛ́ abalabɔ'n b'a fa bɛ́ nwʋn b'a man Nyanmɩan maan ɔ a fa bɛ́ ɛtɛ nɩn a hye bɛ́.”

Zʋan 12:40

Nyanmɩan a sin bɛ́ nyɩn'n, ɔ man bɛ nnwun man asɩ kʋ́n. Ɔ'a kaci bɛ́ ajʋnlɩn'n, ɔ man bɛ ndɩ man yɩ́ ɛjɔlɛ'n kʋ́n. Afɩ, bɛ tɩ a, bɛ 'sa bɛ́ nzin bɛ ba yɩ́ nwʋn ɔ fa bɛ́ ɛtɛ'n-mɔ ce bɛ́.

Lɔmʋn 16:25

Bɛ mán yɛ́ yɩ́ Nyanmɩan Kpili ayɛ. Ɔ sanlɩn kɛ ɔ le tunmin ɔ kʋalaa kɛ ɔ man ɛmɔ dedi'n tin, ɔ nanndɩ Ɛjɔlɛkpa'n mɔ mɩn bɔ nɩn asʋ. Ɛjɔlɛkpa sɔ'n tɩ Zozi Kilisi anwʋn ɛjɔlɛ. Ɛjɔlɛkpa nɩn a man Nyanmɩan nvɩalɩɛ nun nyɩhyɛ m'ɔ fɩalɩ sʋ daba'n,

1 Kolɩntɩ 12:11

Wawɛ kʋnmgba cein sɔ'n yɛ̂ ɔ yɔ ninnge sɔ'n-mɔ kʋalaa ɔ. Acɛdɩɛ m'ɔ kulo kɛ ɔ fa man sʋanlan kʋn biala'n y'ɔ fa man ɔ.

Kolɔsʋ 2:2

Mɩɩn di junman sɔ'n mɩn man ɛmɔ alʋa cɩcɩ bɛ́ nwʋn, bɛ́ nʋan sɛ bɛ́ nwʋn bɛ kulo bɛ́ nwʋn, ɛsɛ ngɛlɛ'n fɔtɔ bɛ́ kpa bɔkɔɔ maan bɛ sɩ Kilisi m'ɔ tɩ Nyanmɩan nvɩalɩɛ nun like'n.

1 Timote 3:16

Yɛ́ kʋalaa yɛ nwun yɩ́ yuein, Nyanmɩan a yɩ nvɩalɩɛ nun like kpili kpa ɔ'a hele yɛ́. Like sɔ'n y'ɔ le Zozi. Ɔ'a kaci yɩ́ nwʋn kulo sʋanlan. Nyanmɩan Wawɛ nɩn a hele kɛ ɔ tɩ Nyanmɩan Awa sɛsɛfʋɛ. Nyanmɩan mmɔfʋɛ'n-mɔ a nwun yɩ́. Yɩ́ nwʋn ɛjɔlɛ'n, b'a bɔ b'a hele mân nɩn anun menian'n-mɔ. Mân nɩn anun menian'n-mɔ a le yɩ́ a li. Ɔ'a fʋ ɔ'a hɔ nyanmɩansʋ wɔ anunminnyanmʋn nun.