Luku 6:3 - The Agni Sanvi NT of Côte d’Ivoire

³ Mɔ bɛ hanlɩn sɔ'n, Zozi kɔ bua bɛ́ kɛ: “Asʋ ɛmɔ kɩnngalɩ man like mɔ Davidi yɔlɩ, mɛlɛ mɔ ɛhɔɛ hunlin yɩ́ nʋn yɩ́ menian'n-mɔ nɩn anwʋn ɛjɔlɛ'n lé ɔ?

Luku 6:3 Iomraidhean Croise

Matie 19:4

Bɛ bisalɩ sɔ a, Zozi nwan: “Asʋ ɛmɔ kɩnngalɩ man yɩ́ Ɛhɛlɛ Ɛjɔlɛ nɩn anun lé kɛ abʋbɔ nɩn anun, Bɔfʋɛ'n bɔlɩ belenzua nʋn balasua.

Matie 21:16

Ɛhɩ, bɛ kɔ bisa Zozi kɛ: “Asʋ ɛ tɩ ɛjɔlɛ'n mɔ bɛ lɛ kan'n?” Zozi nwan: “Yuo o. Ɛhɛlɛ Ɛjɔlɛ nwan: A fa ayɛ ɛyɩɛ nɩn a wula mmatʋnman'n-mɔ nʋn adɔman'n-mɔ anʋan. Ɛjɔlɛ sɔ'n-mɔ, asʋ ɛmɔ kɩnngalɩ man yɩ́ lé ɔ?”

Matie 21:42

Zozi nwan: “Ɛhɛlɛ Ɛjɔlɛ nɩn anun ɛjɔlɛ kpɔlɛ ɛhɩ, asʋ ɛmɔ kɩnngalɩ man yɩ́ lé ɔ? Ɛbʋɛ'n mɔ bɛ́ mɔ bɛ lɛ si sua nɩn a ju a tʋ'n, yɩ́ yɛ̂ ɔ'a kaci ayialɩɛ nɩn asʋ ɛbʋɛ cɩnnjɩn kpa nɩn ɔ. Like mɔ yɛ́ Mɩn a yɔ nɩn anɩn. Ɔ tɩ ɛnyɩnmɩan like wɔ yɛ́ nyɩnsʋ!”

Matie 22:31

Ewuetinnge nɩn anwʋn ɛjɔlɛ'n mɔ Nyanmɩan Kpili hanlɩn helelɩ ɛmɔ'n, ɛmɔ kɩnngalɩ man yɩ́ lé ɔ? Ɔ hanlɩn kɛ:

Matie 4:2

Zozi kɔ hyɩ ɛhɔɛ kɔngɔɛ nʋn eyua dede cɩan abulanan. Mɔ cɩan abulanan'n sɩnlɩn'n nán ɛhɔɛ a hun yɩ́.

Maakɩ 12:10

Asʋ ɛmɔ kɩnngalɩ man ɛjɔlɛ ɛhɩ Ɛhɛlɛ Ɛjɔlɛ nɩn anun lé ɔ? B'a hɛlɛ yɩ́ nun kɛ: Ɛbʋɛ'n mɔ bɛ́ mɔ bɛ lɛ si sua nɩn a ju a tʋ'n, yɩ́ yɛ̂ ɔ'a kaci ayialɩɛ nɩn asʋ ɛbʋɛ'n m'ɔ le sua nɩn anun nɩn ɔ.

Maakɩ 12:26

M'ɔ tɩ ewuetinnge nɩn anwʋn ɛjɔlɛ'n, ɛjɔlɛ mɔ Moyizɩ hɛlɛlɩ'n, ɛmɔ kɩnngalɩ man yɩ́ lé ɔ? Kalata'n lɛ kele kɛ anɩn sɩ̂n'n lɛ sɔ baka kaan kʋn ati sʋ. Nyanmɩan fɛlɛlɩ Moyizɩ a, yɩ́ nwan: N dɩ Abalahamʋn Nyanmɩan, Izakɩ Nyanmɩan, ɛsɛ n dɩ Zʋakɔbʋ kʋsʋ Nyanmɩan?