Luku 1:49 - The Agni Sanvi NT of Côte d’Ivoire

⁴⁹ Ɔ sanlɩn kɛ Tunminfʋɛ Nyanmɩan Kpili a yɔ ninnge mgbili mgbili a man mɩ́n. Yɩ́ dunman'n tɩ nwannzan-nwannzan.

Luku 1:49 Iomraidhean Croise

Maakɩ 5:13

Zozi kɔ man bɛ́ atɩn. Ɛhɩ a, wawɛ ɛtɛ'n-mɔ fi sʋanlan nɩn anun bɛ kɔ fite, bɛ kɔ hɔ kɔ wʋlʋ mgbolike'n-mɔ anun. Mgbolike fatule kɔ yɔ akpɩɩ nnyuan'n le ɛnwanndie bɛ kɔ tʋlʋ bʋka'n bɛ kɔ hɔ kɔ gua asue nɩn anun, bɛ kɔ nʋan.

Luku 1:48

Ɔ sanlɩn kɛ mɩ́n kanga nun, ɔ'a tʋ yɩ́ nyɩn mɩ́n afan ɔ'a yeyila mɩ́n sʋ. Ɔ fi ɛnɛ m'ɔ kɔ'n, menian'n-mɔ kʋalaa 'ba han kɛ Nyanmɩan a yeyila mɩ́n sakpa.

Luku 1:50

Bɛ́ mɔ bɛ man yɩ́ anyɩnnzɔ'n, ɔ 'nwun bɛ́ nwʋn anwunnvoe mɛlɛ biala anun.

Efɛzɩ 3:20

Nyanmɩan Kpili m'ɔ le tunmin m'ɔ fa di junman wɔ yɛ́ nun'n, ɔ kʋala kɛ ɔ yɔ like biala m'ɔ tala mɔ yɛ kɔ sɛlɛ anaan mɔ yɛ kɔ jʋnlɩn nɩn asʋ.

Ayɩkele 15:4

Yɛ́ Mɩn, nwan yɛ̂ ɔ nzulo man wɔ́ ɔ? Nwan yɛ̂ ɔ ngulo man kɛ ɔ wula wɔ́ anunminnyanmʋn ɔ? Wɔ́ dɩɛ, ɛ tɩ kʋnlʋn-ngʋnlʋn. Mân nɩn anun menian'n-mɔ kʋalaa 'ba kʋtʋ wɔ́ nyunnun. Ɔ sanlɩn kɛ b'a nwun yɩ́ kɛ wɔ́ junman'n mɔ ɛ di'n tɩ fɔ́ʋ́n.”

Ayɩkele 4:8

Naan sɔ'n-mɔ nunhan kʋn biala le ndɛba nsian. Bɛ́ nwʋn'n lɩka kʋalaa nʋn bɛ ndɛba'n-mɔ abʋ tɩ anyɩan. Cɩan daa, kɔngɔɛ o, eyua o, ɛjɔlɛ mɔ bɛ kan'n y'ɔ le kɛ: “Kʋnlʋn-ngʋnlʋn, kʋnlʋn-ngʋnlʋn, kʋnlʋn-ngʋnlʋn y'ɔ le yɛ́ Mɩn Tunminfʋɛ Nyanmɩan Kpili mɔ daba anɩn ɔ wɔ ɛbɛlɛ, ɛnɛ ɔ wɔ ɛbɛlɛ mɔ ɛsɛ ɔ lɛ 'ba'n.”