II Timɔti 1:6 - Ŋwɛ menomenyɛɛ́ mekɛ́

⁶ Gétú ɛyina ne ngarege wɔ nnó ɔnyaá ɛchyɛ ɛwe Ɛsɔwɔ achyɛ wɔ gébégé menɛre nya wɔ ɛbwɔ mekpo, ɛ́lúlí ɛké mewɛ.

II Timɔti 1:6 Iomraidhean Croise

Lukase 19:13

Gébé ɛyige achwɔ́ jyɛ́, akú baá defwɛ́ bií afya, akaré ɛbwɔ́ ŋka. Achyɛ́ yɛ́ndémuú gébagé ŋka, ne aké ne ɛbwɔ́, ‘Delagé fa, kɛ́ge gese ne ŋka yimbɔ kpaá tɛ nkérege.’

Utɔɔ́ Aŋgbá Jisɔs 19:6

Ɛwyage, Pɔl anɛré ɛbwɔ́ amu makpo ne Mendoó Ukpea ɛchwɔ ɛbwɔ́ mmyɛ ne álɔ manjɔɔ́ ufɔɔ́ mejɔɔ́, ama ágaregé mekomejɔɔ́ ayi ɛbwɔ́ awuú ne Ɛsɔwɔ.

Utɔɔ́ Aŋgbá Jisɔs 6:6

Ɛbwɔ́ áchwɔ ne bɔɔ́ bimbɔ né mbɛ ushu áŋgbá Jisɔs, ne áŋgbá Jisɔs ánɛre bwɔ́ amu mmyɛ anɛmmyɛ ɛta bwɔ́.

I Tɛssalonika 5:19

Ɛkágé dépyɛ Mendoó Ukpea ɛlyaá mampyɛ utɔɔ́ bií né geluage nyú.

I Timɔti 4:14

Ɛkamegé ɔfeé mekpo né ɛchyɛ ɛwé wɔ ɔwyaá. Ɛsɔwɔ achyɛɛ́ wɔ ɛchyɛ ɛwémbɔ gébégé ɛkwɔ bɔɔ́ kpakpa ɛchomele Ɛsɔwɔ ánɛre wɔ amu mmyɛ. Ɛsɔwɔ apyɛɛ́ ɛbwɔ́ ágaré ɛchyɛ ɛwé Ɛsɔwɔ achyɛ wɔ.

I Timɔti 4:6

Ne mbɔgé ɔgaregé áŋmɛ unó bina, ɔbɛɛ́ nyɛ maá utɔɔ́ melɔ́mélɔ́ mbaá Kras Jisɔs ne ɔbɔɔ́ nsa né depɔré Jisɔs ɛtiré delu mmu abya melɔ́mélɔ́ ayi alɛre wɔ ɔkwɔlegé.

II Timɔti 2:14

Tegé ɛbwɔ́ unó bina, ɔkwele ɛbwɔ́ mbeé né mbɛ ushu Ɛsɔwɔ nnó ɛ́kágé ɛbwɔ́ anyɛge mbeé né ucho mejɔɔ́. Gefɔgé mbeé yina ayi álá póge yɛ né meti fɔ́, atyaá bɔɔ́ lé makpo abi áwuú ji.

II Timɔti 4:2

ɔgarege bɔɔ́ mekomejɔɔ́ yina yɛndégébé ɔpwage. Yɛ né gébé gelɔ́gélɔ́ yɛ gébé gebogebo. Pyɛgé bɔɔ́ ákaá mati ayi ápyɛ gyɛɛ́, nyane ɛbwɔ́ nnó ályaá gabo. Fyɛge ɛbwɔ́ ɛshyɛ, koógé metɔɔ́ ne ɔlɛrege ɛbwɔ́ unó bina.

Hibrus 6:2

Dekaá mɛ ndɛre awyage bɔɔ́ manaá Ɛsɔwɔ ne ndɛre annɛrege muú amu mekpo ajé ji. Dekaá nnó Ɛsɔwɔ apyɛɛ́ bɔɔ́ akwilé né negbo ne ndɛre Ɛsɔwɔ asɔɔ́ mpa bɔɔ́ déma tɛ kwyakwya. Délyaá unó bina dépɛle mbɛ, mbɛ.

II Pita 1:12

Ndɛre ɛlúmbɔ, me nkaá nnó ɛnyú dékaá mɛ unó bina, ne détɛne ne ɛshyɛ né wáwálé ayi ɛnyú déwyaá, yɛ́mbɔ me nkɛlege nnó mma ntege ɛnyú ubi yɛ́ndégébé.

II Pita 3:1

Aŋmɛ ba, gɛ́gé ŋwɛ ayi apyɛ ŋwɛ ɛ́pea ɛyi me nsame ɛta nyú na. Me nsa ɛnyú bɔ ŋwɛ bina nnó mpyɛ matɔɔ́ nyú átege unó bi úlú cho.

Ŋwɛ ayi Jud ásamé 1:5

Yɛ́ lé ɛnyú dékaá mɛ unó bina uko, nkɛlege nnó mpyɛ ɛnyú deté ndɛre Ata Ɛsɔwɔ abɔ afere bɔɔ́ Isrɛli né ámu bɔɔ́ Ijip ne ɛwyage áwane bɔɔ́ abi álá fyɛɛ́ metɔɔ́ ne ji wɔ́.