Pas ka Pol sogoe uti la ke osep Rom ina 1:3 - Aria New Testament

³ Omon tonari lana ine la ke Ida Tapolngon Otno Arang Yesus. Iye tona gute Devit ka oglou vri mgo ke osep Israel ina ila napakngan.

Pas ka Pol sogoe uti la ke osep Rom ina 1:3 Iomraidhean Croise

Matyu 1:1

Pelengon ane wai ke Yesus Krais ila osua osua. Yesus Krais polou ke Devit ila osua e Devit polou ke Abraham ila osua.

Matyu 1:16

E Jekop divir otno arang Josep. E Josep iye apmang Maria ila boget. E Maria somugu e divir Yesus ka ina sirngen Krais. Iye gute ka Ida Tapolngon rere ma iye lua osep ke urok elio epmes ina.

Matyu 1:6

E Jesi divir otno arang Devit ka iye vri mgo ke osep Israel ina. E Devit divir otno arang Solomon. E Solomon tna iye apmang ka oglou gute Uria ila asap.

Matyu 12:23

E osep pula pula tidigrik e tiwai langane. “Gute ane gute ka osep tisir iye Devit Otno Arang koke aurou?”

Matyu 15:22

E apmang Kenan ina ka dong ke omur are me ke Yesus e wai langane. “Puda wom ka osep tisir wom Devit Otno Arang aitno lugom due ngong kesua angelo soulu dong ke etim apmang e due pogle ke iye.”

Matyu 26:63

E dau Yesus koli wai kovok. E gute loulou ina ka mgo wai ke iye langane. “Ngawai ke wom ke Ida Tapolngon ka dong vala dong angaine ma amwai lokono ke imi. Wom gute Krais ka Ida Tapolngon rere ma iye lua osep koke aurou? Wom Ida Tapolngon Otno Arang?”

Matyu 27:43

Aitno dagar ke Ida Tapolngon e sir iye tona Ida Tapolngon Otno Arang. Langka Ida Tapolngon waiki lua iye ma iye lua iye oku ane.”

Matyu 3:17

E osep tiklingen kreine kene wai ke omur heven langane. “Gute ane Erigu Arang ka ngong lana ngong ke iye e aitno lungong itau lokono ke iye.”

Matyu 9:27

Yesus songon omur are e lila la. Alo ka iye lila osep orwo ka amtarsak evin tididi iye e tidaiku langane. “Yesus wom ka osep tisir wom Devit Otno Arang aitno lugom due imi.”

Luk 1:35

Deka ensel koli wai ke iye langane. “Ano Itau ma me ke wom e Ida Tapolngon ka dong egim lokono ila arit ma kading wom. E ke batne langane osep ma tisir mimi ka itau itau lokono ka emdivir iye Ida Tapolngon Otno Arang.

Luk 1:69

Ke ila gute bokongon ina Devit ila osua iye due gute polou ka lua ite ke udo elio epmes ina.

Jon 1:14

Gute ka ina sirngen Ida Tapolngon Ila Pelengon polou langka itosep e ke sasi boto iye dong kap ite e itavati ila bublongon e ila arit ka ombatno. Iye dong langane kesua iye Ida Tapolngon Otno Arang ka kene vala e elio ka iye makai ite e wai pelengon lokono bon ke iye.

Jon 1:34

E ngavati elio ane e ngapalongo lumu gute ane iye Ida Tapolngon Otno Arang.”

Jon 1:49

Deka Nataniel wai ke iye langane. “Rabai wom Ida Tapolngon Otno Arang. Wom gute ka vri mgo ke osep Israel ina.”

Jon 10:30

Ngong e Livou imi eriar vala.”

Jon 10:36

Langka iye wai ke isak langane lange ke ngong ka Ida Tapolngon rere ngong e pagei ngong ngame ke taklak? Ina lange umawai ngawai soulu ke Ida Tapolngon alo ka ngasir ngong Ida Tapolngon Otno Arang?

Jon 20:28

Deka Tomas koli wai ke iye langane. “Ngau Puda e Ngau Tapolngon.”

Jon 20:31

E ngasogo pelengon ane batne langane. Ma aitno lumu la dagar langane. Yesus iye gute Krais ka Ida Tapolngon rere ma iye lua osep ke urok elio epmes ina e iye Ida Tapolngon Otno Arang. E langka aitno lumu dagar ke iye ma umodue mosongon ka dong vala dong.

Jon 5:25

Ngawai lokono ke umu langane. Mase oklou ma polou e lokono polou kodong alo ka osep ka tidong langka ansak timete ma tiklingen Ida Tapolngon Otno Arang kreine e osep ka tiklingen e aitno lisak la dagar ke iye ma tidue mosongon ka dong vala dong.

Jon 7:42

Kesua Ida Tapolngon ila pelengon wai gute Krais iye Devit ila napakngan e ma tna divir iye ke Devit ila armok batne Betlehem.”

Aposel 2:30

Oglou ari Devit iye gute napaprangan ina gesa. E ari Ida Tapolngon due aitno deka iye ile mase dau tauni ma ila napakngan gesa polou ka kasip amune deka vri mgo ke osep Israel ina. Ida Tapolngon kar ila promis kene ke Devit e wai dagar ine batne iye dong.

Aposel 3:13

“Ida Tapolngon ka Abra-ham Ina Tapolngon e Aisak Ina Tapolngon e Jekop Ina Tapolngon e udo seia Inarak Tapolngon iye tona due elio arit ina ane. Elio arit ina ane kakai gute Yesus ka Ida Tapolngon ila gute bokongon ina angaine. Oglou umodue agegeng ke iye e umesin elio pula vri ke iye e umepli iye ke Pailat bitna. Pailat klingen lumu sinngen elio deka mgo aitno mter Yesus ila elio vri ke iye kovok deka waiki songon Yesus la.

Aposel 8:36

Isak orwo dau tididi ekreng la lama tipolou ke aki gesa e gute plaungan ina wai langane. “Oka aki ane. Ma ngasep ke aki ane e ampaunim ngong koke ngakaranga ngadue langane kovok?”

Aposel 9:20

Ari Sol la ke osep Yuda ina urok duningen ina ninu leklou e lokono iye napapra ke Yesus e wai langane. “Gute Yesus iye tona Ida Tapolngon Otno Arang.”

Pas ka Pol sogoe uti la ke osep Rom ina 1:9

Eknikane aitno lu-ngong la dagar ke Ida Tapolngon lokono deka ngaboko dagar lokono ma ngapaur ila omon itau ka la ke Otno Arang Yesus la ke osep pula. Ida Tapolngon ile omur oklou aling aling ngawai itau ke iye e ngapmi iye ma iye lua umu. E ngapmi iye ma iye didi aitno e lua ngong blang ma mase ngapolou ke umu.

Pas ka Pol sogoe uti la ke osep Rom ina 4:1

Oglou ari udo eia Abraham dong. Alo ka iye dong iye polou itau e osuk ke Ida Tapolngon bitna. Aitno lumu lange? Abraham due sua deka iye polou itau e osuk ke Ida Tapolngon bitna?

Pas ka Pol sogoe uti la ke osep Rom ina 9:3

E aitno lungong langane. Ngawaiki ngalua osep Israel ina ka lou osua ma Ida Tapolngon kot isak kovok. Ngawaiki ngakasip osep tonari amunsak ma Ida Tapolngon kot isak kovok e ngawaiki ma ila kotngon due ngong vala. Langka elio langane karanga lua osep Yuda ina ngawaiki ma Ida Tapolngon kot ngong ine. E elio tonari karanga polou kovok.

Pas ka Pol sogoe uti la ke osep Rom ina 9:5

Osep Israel ina tiduru ke urok seia ka angainsak omba urok osua. E Krais ila osua ka didi itosep dong ke osep Israel ina. Krais tona Ida Tapolngon lokono e plau wan ka pula keniye. Ma itakakai angaine tito la egim lokono dong vala dong. Lokono.

1 Korin 1:9

E langane. Ida Tapolngon rere ite ma iteneklep ke Otno Arang Yesus Krais ka Ida Puda. Deka iye due ite iteneklep ke iye. Kesua iye tona didi ila pelengon keniye deka due polou lokono.

1 Korin 10:18

Omtomu sisir osep Israel ina urok elio ka langane. Alo ka tingen ongwa okurne leklou ka tikamlue ke bota opmu ina e leklou la ke Ida Tapolngon ane langka due isak tinepir pulu e tinepir pulu kap Ida Tapolngon blang.

Galesia 4:4

E alo ka Ida Tapolngon rere iye pagei Otno Arang me. Apmang divir iye e iye polou gute e dong moli ke Moses ila sogongon.

1 Tesalonaika 1:10

E tipalongo urok ke elio ka umapara ke alo ka Ida Tapolngon Otno Arang Yesus ma iding me ke omur heven. Otno Arang tonari mete deka Ida Tapolngon didi ila arit e due poga tito e dong blang e iye mole udo elio epmes ina e lua ite ma itanamani Ida Tapolngon aitno ila engil ka mase ma me kovok.

1 Timoti 2:5

Iteile Ida Tapolngon kene vala dong. E gute kene vala vri airavu ke ite e Ida Tapolngon e loulou ke ite. Gute tonari Krais Yesus.

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.

2 Timoti 2:8

Aitno lugom mter itau ke Yesus Krais. Iye gute Devit ila napakngan gesa e iye mete deka poga tito ke ina denga. Ane omon itau ka nganapapra osep ine.

1 Jon 1:3

Wan keniye ka imeklingen ine e imavatie imanapapra ke umu ma aitno lumu kene pulu kap imi. E aitno limi kene pulu kap Pmada e Otno Arang Yesus Krais.

1 Jon 3:23

E Ida Tapolngon ila pelengon dagar ka me ke ite langane. Aitno lite dagar ke Otno Arang Yesus Krais e ite lana ite pulu langka iye wai ine.

1 Jon 3:8

E gute ka aling aling iye due elio epmes ina iye Satan ila gute vala. Kesua oglou oglou ari alo ka Ida Tapolngon due wan ka pula keniye tipolou lila me ke eknikane Satan due elio epmes ina. E Ida Tapolngon Otno Arang polou ma iye due pogle ke Satan ila bokongon ma yagos.

1 Jon 4:15

Gute ka wai Yesus iye Ida Tapolngon Otno Arang Ida Tapolngon dong kap iye e iye dong kap Ida Tapolngon.

1 Jon 5:1

Osep ka aitno lisak dagar ke elio ka Yesus iye gute Krais ka Ida Tapolngon rere ma iye lua osep ke urok elio epmes ina isak Ida Tapolngon ila osep. E osep ka isak lana isak ke gute timla isak lana isak ke gute tonari blang.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.

1 Jon 5:5

Osep seisei timole elio bitna bitna ka taklak ina? Osep ka aitno lisak dagar ke Yesus e tile iye Ida Tapolngon Otno Arang isak osep ka timole elio bitna bitna ka taklak ina.

2 Jon 1:7

Osep yakngan ina pula isak kla ke omur ka pula keniye ke taklak e tiwai langane. “Yesus Krais me polou langka itosep kovok.” Osep ka tiwai langane isak osep yakngan ina e isak Krais ina oul.

Pelengon kukwopngon 2:18

Deka gute wai blang lang-ane. “Omsogo pelengon ane ke ensel ka dong ke sios ke Taiataira. Pelengon tonari langane. Gute ka Ida Tapolngon Otno Arang e ka bitna bublo langka eiou bublo e kamla bublo langka bras ka osep tisabure wai langane.