Matyu 4:3 - Aria New Testament

³ E gute tonari ka waiki tok iye me wai ke iye langane. “Langka wom Ida Tapolngon Otno Arang amwai ke opmu ane ma tipolou bret.”

Matyu 4:3 Iomraidhean Croise

Matyu 14:33

E osep ka tidong ke bot tilotuim iye e tiwai langane. “Lokono wom Ida Tapolngon Otno Arang.”

Matyu 16:16

E Saimon Pita wai langane. “Wom gute Krais ka Ida Tapolngon rere ma iye lua osep ke urok elio epmes ina. Wom Ida Tapolngon ka dong vala dong Otno Arang.”

Matyu 26:63

E dau Yesus koli wai kovok. E gute loulou ina ka mgo wai ke iye langane. “Ngawai ke wom ke Ida Tapolngon ka dong vala dong angaine ma amwai lokono ke imi. Wom gute Krais ka Ida Tapolngon rere ma iye lua osep koke aurou? Wom Ida Tapolngon Otno Arang?”

Matyu 3:17

E osep tiklingen kreine kene wai ke omur heven langane. “Gute ane Erigu Arang ka ngong lana ngong ke iye e aitno lungong itau lokono ke iye.”

Mak 1:1

Pelengon ane nogrum wai ke omon itau ka la ke Ida Tapolngon Otno Arang Yesus Krais.

Mak 3:11

Alo ari angelo soulu ka tidong ke osep leklou tivati iye deka tigene ke Yesus kamla e tidaiku langane. “Wom tona Ida Tapolngon Otno Arang lokono.”

Mak 5:7

Deka iye wai omba ke Yesus langane. “Yesus wom ka Ida Tapolngon ka ila arit ombatno lokono Otno Arang omo ane ma omdue elio lange ke ngong? Ngakel wom ke Ida Tapolngon bitna ma omdue agegeng ke ngong kovok.”

Luk 1:35

Deka ensel koli wai ke iye langane. “Ano Itau ma me ke wom e Ida Tapolngon ka dong egim lokono ila arit ma kading wom. E ke batne langane osep ma tisir mimi ka itau itau lokono ka emdivir iye Ida Tapolngon Otno Arang.

Luk 22:70

E isak keniye tipmi iye langane. “Wom tona Ida Tapolngon Otno Arang i?” Deka Yesus koli wai ke isak langane. “Umu tona umawai lokono alo ka umawai ngong gute tonari.”

Luk 4:3

Deka Satan wai ke iye langane. “Langka wom Ida Tapolngon Otno Arang amwai ke opmu ane ma tipolou bret.”

Luk 4:41

E silang angelo soulu tisongon osep pula e tidaiku langane. “Wom Ida Tapolngon Otno Arang.” E Yesus wai dagar ke isak e dangdang isak ma tiwai kovok kesua tile iye gute Krais ka Ida Tapolngon rere ma iye lua osep ke urok elio epmes ina.

Luk 4:9

Deka Satan paur iye ke Jeru-salem e due dong ke Ida Tapolngon ila ninu tona ka egim e wai ke iye langane. “Langka wom Ida Tapolngon Otno Arang omkopiuk omduru ke omur ane.

Jon 1:34

E ngavati elio ane e ngapalongo lumu gute ane iye Ida Tapolngon Otno Arang.”

Jon 1:49

Deka Nataniel wai ke iye langane. “Rabai wom Ida Tapolngon Otno Arang. Wom gute ka vri mgo ke osep Israel ina.”

Jon 20:31

E ngasogo pelengon ane batne langane. Ma aitno lumu la dagar langane. Yesus iye gute Krais ka Ida Tapolngon rere ma iye lua osep ke urok elio epmes ina e iye Ida Tapolngon Otno Arang. E langka aitno lumu dagar ke iye ma umodue mosongon ka dong vala dong.

Jon 9:35

Yesus klingen osep Yuda ina tisapir gute tonari ke duningen ina ninu deka iye la pado iye e wai ke iye langane. “Ate. Aitno lugom dagar ke Gute Ka Polou Langka Osep?”

Aposel 9:20

Ari Sol la ke osep Yuda ina urok duningen ina ninu leklou e lokono iye napapra ke Yesus e wai langane. “Gute Yesus iye tona Ida Tapolngon Otno Arang.”

2 Korin 1:19

Ngong e Sailas e Timoti imanapapra Ida Tapolngon Otno Arang Krais Yesus ke umu. E iye tona ila pelengon segesege kovok. Iye wai “Ee” deka iye didi ila pelengon.

Galesia 2:20

E ke elio ka eknikane ngadong itau kap Ida Tapolngon ngamana kap Ida Puda Yesus Krais ke ina akai kodong e ngamete kap iye. Deka ngadue mosongon oku. E mosongon tonari lou mosongon kovok. Aurou. Krais dong ke aitno lungong deka lou elio isuk isuk e lou bokongon ka ngadue ke taklak ngadue ke aitno lungong ila dagar vala. Aitno lungong dagar ke Ida Tapolngon Otno Arang e aitno itau lokono ke ngong e iye soro pampamu ine ma lua ngong.

1 Tesalonaika 3:5

Ke batne langane ngakaranga ngapara kovok. E ngapagei Timoti la ke umu ma ngaile omur langka aitno lumu ila dagar dau dong dagar koke aurou. Lama Satan polou ke umu e tok umu kodong e umosongon aitno lumu ila dagar e limem bokongon ke umu polou adai.

Hibru 12:16

Umeile umu itau lama gute gesa airavu ke umu due elio isungon ina. Koke gute pul dogur ke Ida Tapolngon langka Iso pul dogur ke ila elio ka sirngen ina. Iso pli ila elio ka sirngen ina kesua sapanga due e iye waiki ngen ngangon vala.

Hibru 4:14

Ida Tapolngon Otno Arang Yesus iye udo gute loulou ina ka mgo e iye dong ke omur heven. Deka ite ma itodong dagar ke aitno lite ila dagar.

Hibru 7:3

Osep ka tisogo Ida Tapolngon ila pelengon tisogo Melkisedek tna e timla e ila seia angainsak kovok. Tisogo oklou ka tna divir iye e oklou ka iye mete ine kovok. Iye dong gute loulou ka dong vala dong eriar langka Ida Tapolngon Otno Arang.

1 Jon 3:8

E gute ka aling aling iye due elio epmes ina iye Satan ila gute vala. Kesua oglou oglou ari alo ka Ida Tapolngon due wan ka pula keniye tipolou lila me ke eknikane Satan due elio epmes ina. E Ida Tapolngon Otno Arang polou ma iye due pogle ke Satan ila bokongon ma yagos.

Pelengon kukwopngon 2:10

Isuk boto ma osep tidue agegeng ke umu. E umoulou tarna lumu ke elio tonari kovok. Umoklingen. Satan due elio ane deka osep tidue umu leklou ma tidong ke kalabus. Elio ane ma tok umu. Deka ma umanamani elio ka opru umu iding ke oklou songotno. E umekis dagar ke aitno lumu ila dagar e langka umemete kape are wan gesa kovok. Umodue langane deka ma ngakar lumu mosongon ka itau lokono ke umu langka upu prais.’”