Mak 9:4 - Aria New Testament

⁴ Osep eklu tonari tivati elio tonari polou ke Yesus deka tivati Elaija orwo Moses tipolou ke Yesus bitna. Deka tivati isak orwo tiwai pulu kap Yesus.

Mak 9:4 Iomraidhean Croise

Matyu 11:13

Buk keniye ka osep napaprangan ina tisogo isak e Moses ila pelengon wai ke wan bitna bitna ka ma tipolou la lama alo ka Jon polou.

Mak 9:3

E ila klos polou okou lokono deka nevlikvlik e bublo omba lokono. Langka osep tiwaiki tigrong urok klos ma tipolou okou lokono langane tikaranga ine kovok.

Mak 9:5

E Pita wai ke Yesus langane. “Ngau Puda aitno lungong mter are itau itodong ke omur ane. Ma imouri pengau eklu ke omur ane. Ma kene lem e silang Moses ila e silang blang Elaija ila.”

Luk 24:27

Deka iye nogrum ke Moses ila sogongon e osep napaprangan ina keniye urok sogongon e iye parere isak ke Ida Tapolngon ila pelengon keniye ka la ke iye.

Luk 24:44

Deka iye wai ke isak langane. “Alo ka ngong dau ngadong kap umu ngawai ke umu langane. Wan ka pula keniye ka dong ke Moses ila sogongon e dong ke osep napaprangan ina urok sogongon e dong ke Buk Song ka lana ine me ke ngong ma tipolou lokono.”

Luk 9:19

E tikoli tiwai langane. “Osep leklou tisir wom Jon ka paunim osep e osep leklou tisir wom Elaija e osep leklou blang tisir wom gute napaprangan ina gesa ka dong ke oglou e iye poga tito ke ina denga.”

Jon 5:39

Umanana dagar ke Ida Tapolngon ila pelengon kesua aitno lumu mter ila pelengon karanga nis umu ke ekreng ka kar lumu mosongon ka dong vala dong ke umu. E aurou. Pelengon tonari palongo lumu ke ngong.

Pelengon kukwopngon 19:10

Ngaklingen ensel wai deka ngagrum kongu olwo boto ke kamla e ngawaiki ngalotuim iye e iye wai ke ngong langane. “Omdue langane sakam. Ngong Ida Tapolngon ila gute bokongon ina langka wom e lem osua ka umekis dagar ke pelengon ka Yesus wai ine. Omlotuim Ida Tapolngon vala. Kesua iteile pelengon ka Yesus wai ine sruk osep napaprangan ina aitno lisak ma tinapapra ine.”