Mak 9:29 - Aria New Testament

²⁹ Deka Yesus koli wai ke isak langane. “Langka umawai itau ke Ida Tapolngon kovok ma angelo soulu bitna langka angelo soulu ka due mimi tonari ma polou e la kovok. E langka umodong umawai itau ke Ida Tapolngon ine deka ma angelo soulu ka langane tipolou kla.”

Mak 9:29 Iomraidhean Croise

Matyu 12:45

Deka iye la pado angelo soulu lumorwo leklou ka urok elio soulu mole ila elio soulu e tisep tidong ke gute tonari. E gute ila mosongon soulu lokono e mole ila mosongon ka dong alo ka angelo soulu songon iye mgo. Pelengon ane nisngen ke wan ka polou ke osep ka tidong eknikane.”

Matyu 17:20

E Yesus wai ke isak langane. “Umakaranga umasapir iye kovok kesua aitno lumu ila dagar sasi boto vala. Ngawai lokono ke umu. Langka aitno lumu ila dagar daudeng langka mastet londo umakaranga umawai ke gigri ma iye songon omur kene e la ke omur silang e gigri ma la. E ma umakaranga umodue elio keniye ka umawaiki umodue.

Mak 9:28

Deka Yesus kap ila disaipel isak kla ke ninu gesa e tidong ke ninu aitno. E ila disaipel tipmi iye langane. “Imawaiki imasapir angelo soulu tonari e imobure vala batne lange?”

Mak 9:30

Yesus gosok ila disaipel tisongon omur tonari e isak kla ke omur Galili deka tilila ine. Tilila ine e Yesus waiki ma osep tile ine kovok.

Luk 11:26

Deka iye la pado angelo soulu lumorwo leklou ka urok elio soulu mole ila elio soulu e tisep tidong ke gute are. E gute ila mosongon soulu lokono e mole ila mosongon ka dong oglou alo ka angelo soulu songon iye mgo.”

Aposel 14:23

Deka ari tirere osep leklou ke armok kene kene ma tiplau Ida Tapolngon ila osep. Deka tiwai itau pula ke Ida Tapolngon ine e tipli inarak ngangon kesua tiwaiki aitno lisak la ke Ida Tapolngon vala. Deka ari tiwai ke osep ka tirere isak Ida Tapolngon ila osep inarak plaungan langane. “Ida Puda ka aitno lumu dagar ke iye kodong ma plau umu e kere umu itau ke lumu elio isuk isuk.”

1 Korin 9:27

E langane. Nganana engil ma ngakaranga ngaplau pampamu lungong itau. Lama nganapapra omon itau ke osep pula e mase ngong tona ngakaranga ngadue prais kovok.

2 Korin 11:27

Ngadue bokongon ka engil lokono e aling pula ngaboko e ngamunu kudung kovok. E aling pula sapanga due ngong e aki vel ngong kesua ngau ngangon sasi boto vala e tarna lungong blesim kesua lou klos karanga ke ngong kovok.

2 Korin 12:8

Wan soulu tonari due ngong e aling eklu ngapmi Ida Puda ma wan soulu songon ngong.

2 Korin 6:5

E silang blang imodong dagar lokono alo ka osep timluk imi e alo ka tidue imi imesep ke kalabus. Osep leklou aitno lisak soulu ke imi e tisruk osep aitno lisak ma tiwaiki tipaiavu imi. E imoboko engil lokono e imakaranga imomunu kudung itau kovok e sapanga due imi.

Efesus 6:18

Alo ka Ano Itau due aitno lumu e waiki umawai itau ke Ida Tapolngon ma iye lua umu ke lumu elio isuk isuk deka umawai itau ke iye. E oklou aling aling umeile umu itau e umawai itau ke Ida Tapolngon e umosongon elio ane kovok. E silang blang langane. Umawai itau ke Ida Tapolngon ma iye lua ila osep ke urok mosongon.

Jems 5:15

Deka langka osep tonari aitno lisak dagar ke Ida Tapolngon e tiwai itau ke iye Ida Tapolngon ma lua gute ka paia ma iye polou itau blang. E langka oglou gute tonari due elio epmes ina Ida Tapolngon ma klok ila elio epmes ina la.