Mak 9:25 - Aria New Testament

²⁵ Mimi tonari timla wai langane deka Yesus vati osep pula pula tisuong tipolou ke iye. Deka iye wai dagar ke angelo soulu langane. “Wom angelo soulu ka omdue mimi ane ma iye wai kovok e klingen pelengon kovok ngawai ke wom langane. Ompolou ke mimi ane e amkaranga ambauluk omdong ke iye blang kovok.”

Mak 9:25 Iomraidhean Croise

Matyu 12:22

Alo ari osep leklou tipaur gute ka bitna evin e iye karanga wai kovok ke Yesus. E bitna evin e iye karanga wai kovok kesua angelo soulu dong ke iye. Deka Yesus due polou itau blang e iye karanga vati wan e wai blang.

Matyu 17:18

E Yesus wai dagar ke angelo soulu ka dong ke agau ma songon iye e lokono agau polou itau blang.

Mak 9:15

Deka lokono osep tonari tivati Yesus e tidigrik ke iye. Deka tisuong tipolou ke iye e tiwai ‘oklou itau’ ke iye.

Mak 9:24

Yesus wai langane deka lokono mimi tonari timla wai omba langane. “Aitno lungong dagar ke wom e aitno lungong ila dagar dau dagar lokono ke wom kovok. Omlua ngong ma aitno lungong ila dagar polou dagar lokono ke wom vala.”

Mak 9:26

Angelo soulu klingen Yesus ila pelengon deka iye daiku e due mimi nakarkar omba deka iye songon iye e la. Deka mimi pam-pamu ine munu langka gute ka mete kodong. Deka osep tonari tiwai iye mete kodong.

Luk 11:14

Aling kene Yesus sapir angelo soulu ka due gute ka iye dong ke iye karanga wai kovok. E angelo soulu la kodong deka gute tonari wai e osep tidigrik ine.

Luk 4:35

E Yesus wai ke iye dagar langane. “Amwai sakam. Ompolou ke gute e amla.” Deka angelo soulu due gute gene duru airavu ke isak e songon iye la. E iye due asmel ke gute kovok.

Luk 4:41

E silang angelo soulu tisongon osep pula e tidaiku langane. “Wom Ida Tapolngon Otno Arang.” E Yesus wai dagar ke isak e dangdang isak ma tiwai kovok kesua tile iye gute Krais ka Ida Tapolngon rere ma iye lua osep ke urok elio epmes ina.

Luk 8:29

Iye wai langane kesua Yesus wai dagar ma angelo soulu tisongon gute tonari. Oglou aling pula osep tipou limla e kamla ke sen e tiplau iye itau e dau angelo soulu tidue deka iye trum sen deka angelo soulu tipagei iye la ke omur ka dong adai vala.

Luk 9:42

E alo ka tipaur iye ke Yesus angelo soulu uri iye ke taklak e iye nakarkar omba. E Yesus wai dagar ke angelo soulu ma iye songon mimi la deka Yesus due polou itau blang e kar iye iding ke timla.

Aposel 16:18

Oklou pula apmang ane due elio langane la lama oklou gesa Pol aitno soulu lokono ine. Deka iye bauluk e wai dagar ke angelo soulu ka dong ke apmang tonari langane. “Yesus Krais ila arit due wom deka omsongon apmang ane e amla.” Pol wai langane deka lokono angelo soulu songon apmang tonari e la.

Pas ka Jut sogoe 1:9

E ensel ka urok arit omba tiwai soulu langane kovok. Alo ka Ida Tapolngon ila ensel ka mgongon ina kene ka angaine Maikel para pulu kap Satan ke Moses pampamu ine iye wai soulu ke Satan kovok. Aurou. Iye wai langane. “Ngau Puda ma wai dagar ke wom.”