Mak 9:24 - Aria New Testament

²⁴ Yesus wai langane deka lokono mimi tonari timla wai omba langane. “Aitno lungong dagar ke wom e aitno lungong ila dagar dau dagar lokono ke wom kovok. Omlua ngong ma aitno lungong ila dagar polou dagar lokono ke wom vala.”

Mak 9:24 Iomraidhean Croise

Mak 9:23

Deka Yesus koli wai langane. “Ina lange amwai langka ngakaranga ngalua umu deka amwaiki ma ngalua umu? Emile langane kovok i? Ida Tapolngon karanga lua osep keniye ka aitno lisak dagar ke iye ma tikaranga tidue elio keniye.”

Mak 9:25

Mimi tonari timla wai langane deka Yesus vati osep pula pula tisuong tipolou ke iye. Deka iye wai dagar ke angelo soulu langane. “Wom angelo soulu ka omdue mimi ane ma iye wai kovok e klingen pelengon kovok ngawai ke wom langane. Ompolou ke mimi ane e amkaranga ambauluk omdong ke iye blang kovok.”

Luk 17:5

Deka Yesus ila aposel tipmi iye langane. “Ipem Puda omdue aitno limi ila dagar res polou omba.”

Luk 7:38

E iye dong ke Yesus dogurne olwo boto ke kamla e kngis omba e bitna olune baser e due Yesus kamla polou epi deka apmang sak kamla ke apna elilo e ene ngen Yesus kamla aling pula e baser wel ka amna itau ke kamla.

Luk 7:44

Deka iye bauluk e vati apmang e wai ke Saimon langane. “Amvati apmang ane? Ngasep ke lem ninu e amkar aki gesa ke ngong ma ngaris kongu ine kovok e apmang ane ris kongu ke bitna olune e sak kongu ke apna elilo.

Aposel 10:19

Alo ka tipmi ke iye Pita dau dong ke ninu tona e aitno mter pula ke ano lana ine. Deka Ano Itau wai ke iye langane. “Pita emklingen. Osep eklu time tikrim wom.

Aposel 10:31

Iye polou ke omtongu deka iye wai ke ngong langane. ‘Kornilius oglou amwai itau ke Ngap Tapolngon. Iye klingen lem pele-ngon kodong e bitna sisir ke lem elio itau ka oglou omlua osep ka urok wan isuk boto vala.

2 Korin 2:4

Alo ka oglou ngasogo pas ke umu aitno lungong soulu e kro lokono e ngakngis ine. E dau ngasogo pas tonari ma aitno lumu soulu ine kovok e ma umeile omur ngong lana ngong omba ke umu.

Efesus 2:8

Ida Tapolngon lua umu ke lumu elio epmes ina kesua batne ke ila makaingan ka dong ke iye tona. Iye lua umu ke lumu elio epmes ina kesua aitno lumu la dagar ke Krais. E iye lua umu kesua batne ke elio kene gesa ka umodue kovok. Aurou. Iye didi aitno e lua umu adai vala. Deka umakaranga umakakai angainmu ine kovok.

Filipai 1:29

Ida Tapolngon due elio itau ke umu kodong e aitno lumu la dagar ine. E silang blang Ida Tapolngon songon umu ma umanamani elio ka opru umu batne ke Krais.

2 Tesalonaika 1:11

Aitno lumu la dagar ke Ida Tapolngon e aling aling imawai itau ke Ida Tapolngon ke umu. Imepmi iye ma iye due umu umakaranga umodue elio itau ka iye waiki umodue. Imawaiki iye lua umu ke ila arit ma umakaranga umodue elio itau keniye ka umawaiki umodue. Umawaiki umodue elio itau kesua aitno lumu la dagar ke Ida Tapolngon.

2 Tesalonaika 1:3

Sipmi. Aling aling imawai tenkyu ke Ida Tapolngon e iye sruk aitno limi ma imawai itau ke umu. E elio ane ka itodue iye elio itau. Kesua aitno lumu ila dagar polou dagar lokono e umu lana umu pulu deka aling aling elio langane res polou omba lokono. E Ida Tapolngon waiki itodue elio langane. E ma imakakai Ida Tapolngon angaine tito la egim ine.

2 Timoti 1:4

Omtongu sisir langka emkngis alo ka itosongon pulu e ngawaiki ngavati wom blang e ngapara ine. Ma aitno lungong neser omba alo ka ngavati wom blang.

Hibru 12:17

E umeile langane. Mase Iso waiki due timla ila keregen e iye karanga due kovok. E iye kngis ine e dau iye karanga due kerengen tonari kovok.

Hibru 12:2

Ma aitno lite mter ke Yesus ka iye aitno lite ila dagar batne. E iye due aitno lite ila dagar polou dagar lokono. Alo ka iye dong ke taklak aitno neser ke wan itau lokono ka mase ma ila wan. Deka iye ulou ke ina akai kovok e aitno mter langka wan tonari soulu kovok e iye mete ine vala. E iye mnak iye ine kovok. E eknikane iye dong ke omur heven ke Ida Tapolngon limla odung.

Hibru 5:7

Alo ka Yesus dau dong ke taklak aling aling iye wai itau ke Ida Tapolngon e pmi iye ke wan bitna bitna. Iye daiku ke Ida Tapolngon e kngis kesua iye ile Ida Tapolngon karanga lua iye ma iye mete kovok. E Ida Tapolngon klingen ila pelengon e koli ila pmingen itau kesua iye due anit ke iye e ini iye.