Mak 9:1 - Aria New Testament

¹ Deka Yesus wai ke isak langane. “Ngawai ke umu ke pelengon ane ka lokono. Osep leklou ka tivri ane ma tidong la lama tivati elio ka Ida Tapolngon plau osep ke ila arit polou deka ma timete.”

Mak 9:1 Iomraidhean Croise

Matyu 16:28

Ngawai lokono ke umu langane. Umu leklou ma dau umodong alo ka Gute Ka Polou Langka Osep ma me ke omur ka iye plaue.”

Matyu 24:30

Deka nisngen ke Gute Ka Polou Langka Osep ma polou ke sirva e osep ka pula keniye ke taklak ma tikngis. Ma tivati Gute Ka Polou Langka Osep me ke gaup ke sirva. Iye me kap ila bublongon e ila arit ka ombatno.

Matyu 25:31

“Alo ka Gute Ka Polou Langka Osep iding me ke ila bublongon iye ma me kap ila ensel keniye. Deka ma iye dong ke ila kova ka itau lokono.

Mak 13:26

Deka ma osep tivati ngong ka Gute Ka Polou Langka Osep ngaduru ke gaup kap lou arit e lou bublongon ka isak ombatno lokono.

Mak 13:30

Ngawai ke umu ke pelengon lokono ane. Elio soulu bitna bitna tonari ma tipolou lokono alo ka osep ka tidong ke taklak oku ane isak dau timete kovok.

Luk 2:26

E Ano Itau nis iye ma iye mete kovok la lama iye vati gute ka Ida Puda rere Krais ka ma lua osep ke urok elio epmes ina.

Luk 22:18

E ngawai ke umu langane. Ma ngainim aki wain aling kene blang kovok la lama omur ka Ida Tapolngon plaue polou.”

Luk 22:30

Ke omur ka ngavri mgo ine ma umodong ke lou bota e umangen e umeinim kap ngong. E ma umodong ke kova kova langka osep ka tiplau omur omur e umawade osua songotno orwo ke osep Israel ina.”

Luk 9:27

Ngawai lokono ke umu langane. Umu leklou ma dau umodong alo ka omur ka Ida Tapolngon plaue polou.”

Jon 21:23

Mase omon ke Yesus ila pelengon ane kes lila ke osep ka tididi Yesus. E aitno lisak mter langka disaipel are ma mete kovok. E dau Yesus wai langare kovok. Aurou. Iye wai langane vala. “Langka ngawaiki iye dong la lama ngaiding ngame are wan gesa kovok ke wom.”

Hibru 2:9

Iteile oglou Ida Tapolngon due Yesus polou langka itosep e ke sasi boto vala iye dong moli ke ensel. Ida Tapolngon due elio langane kesua batne iye makai ite e Yesus mete e kasip amunte. E eknikane Ida Tapolngon kakai Yesus angaine tito la egim e osep tidue anit ke iye.