Mak 6:41 - Aria New Testament

⁴¹ Tiduni pulu yagos deka Yesus due bret elme e lodu orwo tonari deka bitna tito la ke omur ka egim deka iye wai tenkyu ke Ida Tapolngon ine. Iye wai tenkyu yagos deka iye tuktuk bret tonari e kare ke ila disaipel ma titongo ine ke osep ka pula keniye. E iye due lodu orwo tonari e tuktuk isak karanga osep ka pula keniye.

Mak 6:41 Iomraidhean Croise

Matyu 14:19

E Yesus wai ke osep pula pula ma tidong ke gras. Deka iye due bret elme e lodu orwo e bitna tito la ke omur heven e iye wai tenkyu ke Ida Tapolngon ine. Deka iye tuktuk isak e kar isak ke ila disaipel e tikar isak ke osep.

Matyu 15:36

E iye due bret lumorwo e lodu e wai tenkyu ke Ida Tapolngon ine deka tuktuke e kare ke ila disaipel e tikare ke osep pula pula.

Matyu 26:26

Alo ka tingen dau Yesus due bret e wai tenkyu ke Ida Tapolngon ine e tuktuke e kare ke ila disaipel e wai ke isak langane. “Umodue e umangen. Wan ane pampamu lungong.”

Mak 14:22

Yesus gosok ila disaipel tingen inarak ngangon deka iye due bret gesa e wai tenkyu ke Ida Tapolngon ine. Iye wai yagos deka tuktuke e kare ke ila disaipel. Deka iye wai ke isak langane. “Umodue bret ane kesua iye pampamu lungong.”

Mak 6:40

Deka tiduni pulu ke duningen leklou langka iselme iselme e duningen leklou blang langka buno kene buno kene.

Mak 6:42

Osep keniye tingen ngangon tonari ma tigot.

Mak 7:34

Deka bitna tito la ke omur heven e iye songsong netir deka wai ke gute tonari langane. “Efata.” Pelengon ane lana ine langane. “Talap tinopok.”

Mak 8:19

Oglou alo ka ngatuk bret elme karanga ke osep 5,000 ari umatagom bret emkil e lodu emkil tisep ke kerka sesue deka isak bon?” Deka Yesus ila disaipel tikoli tiwai langane. “Imatagom bret e lodu emkil deka kerka songotno orwo bon ine.”

Luk 24:30

Alo ka tidong ke bota e tiwaiki tingen Yesus due bret gesa e wai tenkyu ke Ida Tapolngon ine e tuktuke e kare ke isak.

Luk 9:16

Deka Yesus due bret elme e lodu orwo e bitna tito ke omur heven e iye wai tenkyu ke Ida Tapolngon ine. Deka iye tuktuk isak e kar isak ke ila disaipel e tikar isak ke osep pula pula are.

Jon 11:41

Yesus wai langane deka titabulbul opmu ka kading omus bitna la. Deka Yesus bitna tito e wai langane. “Livou aitno lungong itau ke wom kesua emklingen ngong alo ka ngawai itau ke wom.

Jon 17:1

Yesus wai pelengon tonari yagos deka bitna tito ke omur heven e iye wai langane. “Livou lou taim polou kodong. E oku ane emnis osep ke lou elio ka itau lokono e lou arit ka omba ma ngakaranga nganis osep ke lem elio ka itau lokono e lem arit ka omba blang.

Jon 6:11

E Yesus due bret e wai tenkyu ke Ida Tapolngon ine deka kare ke ila disaipel e titongoe ke osep. E Yesus due langane ke lodu blang. E osep tingen la lama tigot.

Jon 6:23

Deka bot daudeng leklou songon armok Taiberias e me ke aki ina dingen batne ka olwo boto ke omur ka Ida Puda wai tenkyu ke Ida Tapolngon ke bret deka osep tingene.

Aposel 27:35

Pol wai langane yagos deka iye due bret gesa e wai tenkyu ke Ida Tapolngon ine ke osep keniye amtarsak. Deka iye tuke e ngene.

Pas ka Pol sogoe uti la ke osep Rom ina 14:6

Gute ka aitno mter oklou kene mole oklou silang due elio langane kesua iye waiki kakai Ida Puda angaine ine. E gute ka ngen wan ka pula keniye aitno la ke Ida Puda deka iye ngene. Kesua iye wai tenkyu ke Ida Tapolngon deka ngene. E gute ka ngen wan ka pula keniye kovok aitno la ke Ida Puda blang deka iye dangdang iye ke ngangon leklou. E iye wai tenkyu ke Ida Tapolngon blang.

1 Korin 10:31

E langane. Langka umangen ngangon koke umeinim aki koke umodue wan silang blang ma umakakai Ida Tapolngon angaine ine.

Kolosi 3:17

Deka langane. Ke wan ka pula keniye ka umodue koke wan ka pula keniye ka umawai ine umodue batne aitno lumu dagar ke Ida Puda Yesus. E ke Yesus angaine umawai tenkyu ke Ida Tapolngon ka Pmada ke wan keniye ka iye due.