Mak 6:34 - Aria New Testament

³⁴ Alo ka Yesus gosok sisrok tipolou ke burla Yesus vati osep pula ka tidong tipara ke iye. Iye vati isak deka aitno kro ke isak kesua iye vati isak tidong langka sipsip ka inarak plaungan dong kap isak kovok. Deka iye nogrum parere isak ke pelengon pula.

Mak 6:34 Iomraidhean Croise

Matyu 14:14

E alo ka Yesus songon bot ke aki ina dingen batne iye vati osep pula pula tidong e aitno kro ke isak e iye due osep ka tipaia tipolou itau blang.

Matyu 15:32

E Yesus gi ke ila disaipel e wai ke isak langane. “Aitno lungong kro ke osep pula pula ane kesua tidong kap ngong oklou epmes eklu kodong e tingen ngangon gesa kovok. Ngawaiki ngapagei isak kla oku ane alo ka sapanga due isak kovok lama timete ke ekreng.”

Matyu 9:36

Alo ka iye vati osep pula pula aitno kro ke isak kesua aitno lisak karanga mter itau kovok e tikaranga tilua isak tona kovok. Tidong langka sipsip ka inarak plaungan dong kovok.

Mak 6:33

E osep pula tivati isak e tile omur ke isak. Deka tisuong tididi ekreng ma tipolou ke omur tonari. Timgo tipolou ke omur tonari deka tipara ke Yesus gosok sisrok.

Mak 6:35

Iye dong parere isak la lama kirui deka ila disaipel tipolou ke iye e tiwai langane. “Kirui kodong e omur ane dong adai vala.

Mak 8:1

Alo ari osep pula time tiduni pulu kap Yesus e inarak ngangon dong kovok. Deka iye gi ila disaipel time e iye wai ke isak langane.

Mak 8:2

“Aitno lungong kro ke osep pula pula ane kesua tidong kap ngong iding ke oklou eklu kodong e inarak ngangon dong kovok.

Luk 9:11

E alo ka osep pula pula tile ke omur ka isak kla ine tididi isak. E alo ka tipolou ke Yesus deka aitno itau ke isak. Deka iye wai ke isak ke omur ka Ida Tapolngon plaue e due osep ka tipaia tipolou itau blang.

Hibru 2:17

E ke batne langane iye polou langka itosep. Ma iye karanga polou udo gute loulou ina ka mgo ka makai ite. E iye didi Ida Tapolngon ila pelengon keniye ke ila bokongon ka iye loulou ke ite. Ma iye klok osep urok elio epmes ina kla.

Hibru 4:15

Yesus udo gute loulou ina ka mgo e iye ile omur ke elio isuk isuk ka itakaranga itodue kovok. Alo ka Satan tok ite Yesus ile omur ke elio langane kesua oglou Satan tok iye eriar langka iye tok ite. Satan tok iye e dau iye due elio epmes ina kovok.