Mak 6:2 - Aria New Testament

² Tidong ine la lama oklou sabat polou deka Yesus la sep ke urok duningen ina ninu e parere osep ka tidong ine. Deka osep ka tiklingen ila parerengen ansak nesik e tingelek ine. E tiwai pulu ine langane. “Sei kar pelengon ke gute ane ka iye parere ite ine? Iye due ila ilengen ge? Sei kar ila arit ke iye deka iye due elio arit ina?

Mak 6:2 Iomraidhean Croise

Matyu 4:23

E Yesus lila lelei ke omur Galili e parere osep Yuda ina ke urok duningen ina ninu. Iye napapra omon itau ka la ke omur ka Ida Tapolngon plaue. E iye due osep ka tipaia ke paiangan bitna bitna e osep ka pampamu lisak soulu tipolou itau blang.

Matyu 7:28

Yesus parere osep yagos e osep tidigrik e aitno lisak mter pula ke ila parerengen.

Mak 1:39

Deka Yesus lila ke armok pula ka tidong ke omur Galili. E iye sep ke urok duningen ina ninu e napapra Ida Tapolngon ila pelengon ke isak. E iye sik angelo soulu pula ka tidong ke osep.

Mak 10:1

Deka Yesus songon omur tonari e la polou ke omur Judia e la ke aki Jordan burla. E osep pula time tiduni pulu ke iye blang. Deka iye didi ila elio e parere isak ke Ida Tapolngon ila pelengon.

Luk 2:47

E osep ka pula keniye ka tiklingen ila pelengon aitno lisak mter pula ine batne ke ila ilengen ka omba e tidigrik ke ila kolingen blang.

Luk 4:15

E iye parere osep ke urok duningen ina ninu e osep pula tikakai angaine ine.

Jon 6:42

E tiwai langane. “Gute ane Yesus ka Josep otno arang. Iteile timla e tna deka ina lange oku ane iye wai langane? ‘Ngaduru ngame ke omur heven.’”

Jon 7:15

E osep kaunsil ina tidigrik ke iye e tiwai pulu langane. “Gute ane due ilengen ke omur ge kesua iye la ke udo skul gesa kovok?”