Mak 4:24 - Aria New Testament

²⁴ Deka iye wai ke isak blang langane. “Aitno lumu mter pula ke lou pelengon ka umoklingen ine ma umeile omur ke lana ine. Langka umawai ke osep ke Ida Tapolngon ila pelengon ka umoklingen ine ma iye lua umu ke ila pelengon leklou blang. E langka umawai ke osep ine kovok ma Ida Tapolngon lua umu ke ila pelengon leklou blang kovok.

Mak 4:24 Iomraidhean Croise

Matyu 7:2

Ida Tapolngon ma wade umu eriar langka umawade osep leklou. Elio ka umedidie e umawade isak ma Ida Tapolngon didi elio tonari e wade umu ine blang.

Mak 9:7

Pita wai pelengon tonari yagos deka gaup polou e kading isak. Deka tiklingen kreine polou ke gaup tonari ka wai langane. “Gute ane Erigu Arang ka ngong lana ngong omba ke iye. Talapmu klingen ila pelengon.”

Luk 8:18

Deka umeile umu itau ma umoklingen pelengon itau. Kesua gute ka wan dong ke iye ma iye due wan leklou e gute ka wan dong ke iye kovok Ida Tapolngon ma pi wan ka aitno vala mter dong ke iye.”

Jon 10:16

E lou sipsip leklou tidong ka tidong ke eger ane kovok. Ma ngadue isak tisep ke eger ane blang e ma tiklingen kre lungong. Deka sipsip keniye ma tipolou osua kene vala e ngong vala ngadong inarak plaungan.

Jon 10:27

Lou sipsip tiklingen kre lungong. E ngaile isak e tididi ngong.

Jon 5:25

Ngawai lokono ke umu langane. Mase oklou ma polou e lokono polou kodong alo ka osep ka tidong langka ansak timete ma tiklingen Ida Tapolngon Otno Arang kreine e osep ka tiklingen e aitno lisak la dagar ke iye ma tidue mosongon ka dong vala dong.

Aposel 17:11

Osep Yuda ina ka tidong ke Beria urok elio mole osep Yuda ina ka tidong ke Tesalonaika urok elio. Kesua tiklingen Ida Tapolngon ila pelengon deka tikis dagar lokono ine. Ari oklou aling aling tiklingen Pol orwo Sailas urok pelengon e tiwade kap Ida Tapolngon ila pelengon ma tile omur urok pelengon lokono koke aurou.

2 Korin 9:6

Aitno lumu mter itau ke pelengon ano ane. Gute ka usak yage daudeng ma due ngangon sasi boto vala ine. E gute ka usak yage omba ma due ngangon pula ine.

Hibru 2:1

Deka ma itekis pelengon tonari dagar e amtada uli ine kovok.

1 Pita 2:2

Langka mimi oku aling aling tiwaiki tinim sisu vala ngawaiki aitno lumu la ke Ida Tapolngon ila pelengon vala. E ila pelengon itau e wan sasi dong ine kovok. E pelengon tonari karanga lua umu ma umopolou ngongle ke aitno lumu ila dagar.

1 Jon 4:1

Sipmi. Ngong lana ngong ke umu e ngawai ke umu langane. Osep napaprangan yakngan ina tidong ke taklak. E langka gute gesa wai ke umu langane. “Ngawai ke Ano Itau ila pelengon.” Deka umawade ila pelengon ma umeile omur langka ila pelengon ka iye wai batne ke Ida Tapolngon koke aurou.