Mak 4:15 - Aria New Testament

¹⁵ Osep leklou tidong langka wit londo ka tiduru timunu ke ekreng. Osep ka langane tiklingen pelengon tonari e lokono Satan paiavu aitno lisak deka tile lana ine kovok.

Mak 4:15 Iomraidhean Croise

Matyu 13:19

Alo ka gute klingen omon ka la ke omur ka Ida Tapolngon plaue e iye ile ine kovok Satan me pi omon ke aitno. Gute ane eriar langka wit londo ka tiduru timunu ke ekreng.

Matyu 22:5

E osep tonari tiklingen gute ka vri mgo ke omur ila omon kovok e tididi aitno lisak vala. Gute kene la ke ila yage e gute silang la due burong.

Matyu 4:10

Deka Yesus koli wai langane. “Satan amla. Kesua gute sogo Ida Tapolngon ila pelengon palma langane. ‘Omlotuim Ngap Puda ka Ngap Tapolngon e due ila bokongon vala.’”

Mak 4:14

Ma ngakere pelengon ano ke gute ka lila ser wit londo lana ine ma umeile omur ine. Gute ka lila ser wit londo iye eriar langka gute ka napapra Ida Tapolngon ila pelengon ke osep.

Mak 4:16

Osep leklou tidong langka wit londo ka tiduru timunu ke taklak ka isuk boto vala ka napal munu ke opmu tona. Osep ka langane tiklingen Ida Tapolngon ila pelengon deka aitno lisak neser ine e aitno lisak kis dagar ine.

Mak 4:4

Iye lila ser wit londo pula e londo leklou tiduru timunu ke ekreng. Deka monuk leklou time tingene.

Luk 8:12

Londo ka tiduru timunu ke ekreng isak langka osep ka tiklingen omon itau deka Satan me pi omon ke aitno lisak ma aitno lisak karanga la dagar ine kovok e Ida Tapolngon lua isak ke urok elio epmes ina kovok.

Aposel 17:32

Pol wai ke Yesus ina metengen e ila baulukngon e osep leklou tiwai apok ke iye. E osep leklou blang tiwai langane. “Pol imawaiki ma amparere imi ke pelengon ane blang. Imawaiki imeklingen ine blang.”

Aposel 5:3

Deka Pita wai langane. “Ananaias ina lange Satan due aitno lugom deka amwaiki amyak Ano Itau ke mani ane? Ina lange omtuk taklak ina mani leklou deka embisi ine?

2 Korin 2:11

Ngadue langane lama Satan karanga yak ite e mole ite. Kesua iteile omur ke Satan aitno e ke ila elio bitna bitna ka iye waiki due.

2 Tesalonaika 2:9

Ida Tapolngon ina oul kene ina ma polou malak e Satan ma lua iye ke ila arit. E ke Satan ila arit iye due elio arit ina bitna bitna ka yakngan ina e ma iye yak osep pula ine.

Hibru 12:16

Umeile umu itau lama gute gesa airavu ke umu due elio isungon ina. Koke gute pul dogur ke Ida Tapolngon langka Iso pul dogur ke ila elio ka sirngen ina. Iso pli ila elio ka sirngen ina kesua sapanga due e iye waiki ngen ngangon vala.

Hibru 2:1

Deka ma itekis pelengon tonari dagar e amtada uli ine kovok.

1 Pita 5:8

Umeile umu itau e umaplau umu itau kesua upu oul Satan lila tamtam langka laion ka wai omba e krim Ida Tapolngon ila osep ma iye due pogle ke isak.

Pelengon kukwopngon 12:9

Deka Maikel isak tisapir mota isak ke omur heven. E mota ina sirngen orwo. Sirngen kene Satan e sirngen silang Gute Ka Sin Elio Vri Ke Osep. Iye yak osep ka pula keniye e due isak tidue elio epmes ina. Maikel kap ila ensel tiuri mota kap ila angelo soulu tiduru ke taklak.

Pelengon kukwopngon 20:10

Deka Ida Tapolngon uri Satan ka yak osep la ke eiou ombatno ka opmu salfa ka eiou ngene dong ine blang. Ongwa kevena kene ina kap gute napaprangan yakngan ina tidong ke eiou ombatno tonari blang e tarna lisak doro doro e ma tingangir ke oklou e epmes dong vala dong.

Pelengon kukwopngon 20:7

Alo ka tobor 1,000 tonari mela yagos tiklok ekreng bitna ke ovuk tonari e tisongon Satan la.