Mak 3:7 - Aria New Testament

⁷ Mase Yesus gosok ila disaipel isak kla ke elim Galili. Deka osep pula ka tidong ke omur Galili tididi iye e time tipolou ke iye. E osep ka omur Judia ina time tipolou ke iye blang.

Mak 3:7 Iomraidhean Croise

Matyu 10:23

Langka osep tidue agegeng ke umu ke armok kene deka umala umosuong ke armok silang. Ngawai dagar ke umu langane. Ma umala ke armok keniye ka tidong ke omur Israel dau kovok e Gute Ka Polou Langka Osep ma polou.”

Matyu 12:15

Yesus ile wan ka osep Farisi ina tiwaiki tidue deka iye songon omur are e osep pula pula tididi iye. E iye due osep ka tipaia tipolou itau blang.

Matyu 12:16

E iye wai dagar ke isak ma tipalongo osep leklou ke iye kovok.

Matyu 4:25

E osep pula pula ka tidong ke omur Galili e omur Dekapolis e omur Judia e Jerusalem e ke aki Jordan burla tididi Yesus.

Mak 1:39

Deka Yesus lila ke armok pula ka tidong ke omur Galili. E iye sep ke urok duningen ina ninu e napapra Ida Tapolngon ila pelengon ke isak. E iye sik angelo soulu pula ka tidong ke osep.

Mak 1:45

E gute tonari lila la deka palongo osep pula ine. Iye due elio langane deka Yesus karanga lila ke armok pula kovok lama osep tivati iye deka tididi iye. Deka iye la dong ke omur ka dong adai vala. E osep ka tidong ke omur pula isak dau time tipolou ke iye.

Mak 3:20

Yesus rere osep songotno orwo yagos deka iye songon gigri tonari e duru polou ke ninu gesa deka iye sepe e dong ine. E osep pula tididi iye e tipolou ke iye blang. Deka Yesus lua osep vala e iye gosok ila disaipel tikaranga timtong ma tingen inarak ngangon kovok.

Mak 4:1

Oklou silang Yesus dong ke elim Galili ina dingen batne e osep pula pula time tipolou ke iye. E iye la sep ke bot gesa ka dong olwo boto ke aki ina dingen batne deka dong ine. E osep pula pula tonari tivri ke aki ina dingen batne.

Luk 23:5

E tiwai dagar langane. “Gute ane sruk osep aitno lisak ke omur Judia keniye nogrum ke omur Galili e me ke armok ane.”

Luk 6:12

Alo ari Yesus tito ke gigri gesa ma iye wai itau ke Ida Tapolngon e iye wai epmes la iding ke kotkotu.

Luk 6:17

Deka iye duru ke gigri kap isak e vri ke omur ka mang e ila disaipel pulu pula tidong are kap osep pulu pula leklou. Osep tonari ka time ke armok armok ke omur Judia e ke Jerusalem e ke misuon ina dingen batne olwo boto ke Tair e Saidon.

Jon 7:41

E osep leklou tiwai langane. “Gute ane iye gute Krais ka Ida Tapolngon rere ma iye lua osep ke urok elio epmes ina.” E osep leklou blang tiwai langane. “Aurou. Gute Krais ma me ke omur Galili kovok.

Jon 7:52

Deka tikoli tiwai ke iye langane. “Wom blang gute Galili ina? Amnana ke Ida Tapolngon ila pelengon e ma emile gute napaprangan ina gesa me ke omur Galili kovok.”

Aposel 17:10

Epmes polou deka lokono osep ka Pol orwo Sailas sisrok tipagei isak kla ke armok Beria. Tipolou ine kodong deka isak kla ke osep Yuda ina urok duningen ina ninu e tisepe.

Aposel 17:14

Deka lokono osep Kristen tipagei Pol duru ke misuon. E Sailas orwo Timoti isak dau tidong ke Beria.