Mak 3:5 - Aria New Testament

⁵ Deka Yesus bitna lila ngen isak e aitno engil ke isak. Aitno kro ke isak kesua isak kensak kensak tipono aitno lisak ke elio itau. Deka iye wai ke gute tonari langane. “Omkotok livep.” Gute tonari klingen ila pelengon deka kotok limla la deka lokono limla polou itau.

Mak 3:5 Iomraidhean Croise

Matyu 12:13

Deka Yesus wai ke gute ka limla mete langane. “Livep me.” Gute gotok limla e limla are polou itau langka limla silang.

Mak 3:4

Deka Yesus pmi osep Farisi ina langane. “Aitno lumu lange? Ma itodue elio itau ke oklou sabat koke ma itodue elio soulu ine? Ma itolua osep ine koke ma itodue burwa ke osep ine?” Osep tonari tiklingen Yesus ila pelengon e tikoli tiwai kovok.

Luk 13:15

E Yesus koli wai ke iye langane. “Umu osep yakngan ina e aitno lumu orwo. Ke oklou sabat umu kene kene umala ke ongwa urok ninu e umekles urok galou e umapaur lumu bulmakau koke lumu donki la ma tinim aki.

Luk 17:14

E alo ka Yesus vati isak iye wai ke isak langane. “Umala e umenis tarna lumu ke osep loulou ina.” E alo ka tididi ekreng tarna lisak tipolou itau blang.

Luk 6:10

E bitna lila e vati osep deka iye wai ke gute tonari langane. “Omgotok livep odung.” Gute due langare deka limla polou itau blang.

Jon 9:7

E wai ke iye langane. “Amla e emris ke aki ina ovuk ka angaine Siloam.” Pelengon palma siloam lana ine langane. Tipagei iye la. Gute klingen Yesus wai deka iye la ris. Iye ris kodong deka alo ka iye iding ke Yesus iye karanga vati omur.

Pas ka Pol sogoe uti la ke osep Rom ina 11:25

Sipmi. Ngawaiki ma umeile omur ke pelengon ka kukwop ka oglou itosep iteile ine kovok lama aitno lumu mter langka lumu ilengen omba lokono. E ma ngapalongo lumu ke pelengon ka kukwop ane. Osep Israel ina leklou tipono aitno lisak ke Ida Tapolngon ila makaingan. Tidue langane la lama Ida Tapolngon makai osep ka isak osep Yuda ina kovok ka iye rere isak ila osep kodong.

2 Korin 3:14

E bara lisak pono e tikaranga tile itau kovok. E alo ari lila me ke eknikane alo ka tiritim Moses ila sogongon langka wan dau pono bara lisak. Krais vala karanga pi wan are la.

Efesus 4:18

Osep tonari aitno lisak langka aivoro lokono. E Ida Tapolngon lua isak ke elio oku ina kovok. E tipono aitno lisak ke Ida Tapolngon deka aitno lisak kaka.

Efesus 4:26

Langka aitno lumu engil ke gute gesa umeile umu itau lama umodue elio epmes ina blang. E umosongon aitno lumu dau dong engil ke iye alo ka oklou duru kovok.

Efesus 4:30

Umodue elio soulu ka due Ida Tapolngon Ano Itau kro ine kovok. Kesua Ida Tapolngon due Ano Itau sep ke aitno lumu deka iye rere umu ila osep umu. E Ano Itau ka dong ke aitno lumu iye nisngen umu Yesus ila osep. Deka mase ma Ida Tapolngon due umu ka Ano Itau dong ke aitno lumu ma lumu elio epmes ina munu pes umu kovok e umodong kap iye.

Hibru 3:10

E aitno lungong engil ke isak ke urok elio tonari. Deka ngawai langane. Aling aling tididi ngong kovok e tini lou pelengon kovok.

Hibru 3:17

E Ida Tapolngon aitno engil ke osep seisei la lama iding ke tobor isapanal? Aitno engil ke osep ka tidue elio epmes ina e timete ke omur ka dong adai vala.

Hibru 5:9

Elio tonari polou ke iye deka iye polou gute ka lua osep ke urok elio epmes ina. Deka iye lua osep ka tini iye ke urok elio epmes ina dong vala dong.

Pelengon kukwopngon 6:16

E tigi ke gigri e ke opmu langane. “Ma umakading imi e umokukwop imi ke gute ka dong ke ila kova bitna. E ke Sipsip Otno aitno ila engil.