Mak 3:29 - Aria New Testament

²⁹ E langka gute gesa wai soulu ke Ida Tapolngon Ano Itau e pes angaine ma Ida Tapolngon sak ila elio epmes ina ka langane kovok. Ma elio tonari vri ke iye e munu pes iye vala e dong vala dong.”

Mak 3:29 Iomraidhean Croise

Matyu 25:46

E Yesus babrum ila pelengon langane. “Osep tonari ma tidue ulesngen ka dong vala dong. E osep ka tidong itau e osuk ma tidue urok mosongon ka dong vala dong.”

Matyu 9:3

E osep leklou ka tile itau ke Moses ila sogongon tiwai pulu langane. “Yesus wai pelengon soulu kesua aitno mter langka iye Ida Tapolngon.”

Mak 12:40

Tiwai ke apmang ka sasap batne deka tiyak isak e tidue urok wan. Alo ka tiwai itau ke Ida Tapolngon tiwai tauni kesua batne tiwaiki osep pula tipalem isak ma bina lisak tito. E elio ka Ida Tapolngon mulu osep ka tidue elio langane ma mole elio ka iye mulu osep leklou.”

Mak 3:30

Yesus wai pelengon tonari kesua batne osep tonari tiwai angelo soulu dong ke aitno.

Luk 12:10

Langka gute wai soulu ke Gute Ka Polou Langka Osep Ida Tapolngon karanga sak ila elio tonari e langka gute wai soulu ke Ano Itau Ida Tapolngon ma sak ila elio tonari kovok.”

2 Tesalonaika 1:9

Ida Tapolngon ma due pogle ke isak ka dong vala dong. E ma iye sapir isak ma tidong mawa ke Ida Puda e ila bublongon e ila arit ka itau lokono.

Pas ka Jut sogoe 1:13

E isak langka misuon ina boitini ka omba. Tidue elio soulu e isak mnak isak ke urok elio kovok. E isak langka misuon ina boitini omba ka nokul nokul e buswok polou. E silang blang isak langka gigimo ka kla ulik ulik ke sirva. Deka Ida Tapolngon rere isak ma tidong ke omur ka aivoro lokono dong vala dong.

Pas ka Jut sogoe 1:7

E silang blang ngawai ke osep ke armok Sodom e armok Gomora kap osep ke armok armok ka lelei armok orwo tonari. Tidue okwa e tidue elio soulu bitna bitna leklou blang ka soulu lokono. Osep tonari tinis ite ke osep ka Ida Tapolngon wade isak ke eiou ka dong vala dong.