Mak 2:20 - Aria New Testament

²⁰ Mase ma osep tidue gute tonari la deka ma iye dong kap sisrok blang kovok. Deka ari ma tipli inarak ngangon.”

Mak 2:20 Iomraidhean Croise

Matyu 26:31

Deka Yesus wai ke isak langane. “Ke epmes ane umu keniye ma umoulou e umosongon ngong. Kesua Ida Tapolngon ila pelengon wai langane. ‘Ma ngamluk sipsip ina plaungan e ma sipsip tidardar kla.’

Matyu 9:15

Yesus koli wai ke isak langane. “Langka isuk boto gute ma gi io ila saten tipli inarak ngangon alo ka gute dong kap isak kovok. E mase ma osep tidue gute tonari la e iye dong kap isak kovok deka ma tipli inarak ngangon.”

Mak 2:19

Osep tonari tiwai langane deka Yesus koli wai ke isak langane. “Langka gute gesa waiki gi deka alo ka iye dau dong kap sisrok ma tipli inarak ngangon? Aurou. Ma tidue langane kovok. Alo ka gute ka waiki gi dau dong kap sisrok tingen inarak ngangon vala.

Mak 2:21

Yesus wai ke isak ke pelengon ano gesa langane. “Lang­-ka ovuk dong ke molo oglou ina gute sisir molo oku ina arlak ke ovuk tonari kovok. Kesua langka iye due langane mase alo ka iye grong molo ma arlak tonari polou daudeng e ma trum molo ka oglou ina. Deka ovuk polou omba e mole ovuk ka oglou ina dong.”

Luk 17:22

Deka Yesus wai ke ila di-saipel langane. “Mase ma umawaiki umavati Gute Ka Polou Langka Osep blang langka oklou kene vala e ma umavati iye kovok.

Luk 5:35

E mase gute tonari ma dong kap isak kovok deka ma tipli inarak ngangon.”

Jon 12:8

Osep ka urok wan isuk boto vala tidong airavu ke umu aling aling e ngong ngadong kap umu tauni kovok.”

Jon 13:33

Umu ka langka dirgu ma ngadong kap umu dau isuk boto vala. Ma umekrim ke ngong e langka ngawai ke osep Yuda ina ngawai ke umu blang langane. Umakaranga umomo ke omur ka ngala ine kovok.

Jon 16:28

Ngadong kap Livou deka ngame ke taklak ane e isuk boto ma ngasongon taklak e ngaiding ke Livou.”

Jon 16:7

E ngawai lokono ke umu langane. Ngala e are itau ke umu kesua langka ngala kovok ma Luangan silang me ke umu kovok. E oku ane alo ka ngala ma ngapagei iye ke umu.

Jon 17:11

“E oku ane isuk boto ma ngadong ke taklak kovok e ngala ke wom. E isak dau tidong ke taklak. Deka Livou ka lem elio itau lokono amplau isak itau ke lem arit ka amkare ke ngong. Ma tikaranga tidong aitno lisak kene pulu eriar langka itodong aitno lite kene pulu.

Jon 17:13

E eknikane isuk boto ngauti ke wom. Ngawai lou pelengon ane alo ka ngong dau ngadong ke taklak ma elio ka aitno lungong neser ma due aitno lisak neser blang. E ma urok ketirngen bon ke aitno lisak.”

Jon 3:29

Alo ka gute gi apmang deka gute tonari polou apmang ila boget. E gute ka iye gute ka gi oku tonari ila aten iye dong para ma iye klingen ke gute e aitno neser alo ka iye klingen gute tonari kreine. E oku ane lou ketirngen omba lokono langka gute tonari ila ketirngen.

Aposel 1:9

Yesus wai ila pelengon ke ila disaipel yagos deka Ida Tapolngon ila arit due Yesus tito la egim e ila disaipel tivati iye tito la sep ke gaup ka mana egim. Deka gaup tonari dim iye e tivati iye kovok.

Aposel 14:23

Deka ari tirere osep leklou ke armok kene kene ma tiplau Ida Tapolngon ila osep. Deka tiwai itau pula ke Ida Tapolngon ine e tipli inarak ngangon kesua tiwaiki aitno lisak la ke Ida Tapolngon vala. Deka ari tiwai ke osep ka tirere isak Ida Tapolngon ila osep inarak plaungan langane. “Ida Puda ka aitno lumu dagar ke iye kodong ma plau umu e kere umu itau ke lumu elio isuk isuk.”

Aposel 3:21

Eknikane Yesus dau dong ke omur heven la lama iding alo ka elio polou eriar langka oglou osep napaprangan ina tiwai ine. Oglou ari Ida Tapolngon due osep napaprangan ina aitno lisak deka tiwai langane. ‘Mase dau tauni ma Ida Tapolngon due wan bitna bitna keniye tipolou itau lokono eriar langka oglou ari alo ka elio epmes ina dau dong kovok.’ Deka alo ka elio ane polou ma Yesus duru dong ke taklak blang.”

1 Korin 7:5

Langka umorwo umegi deka amkaranga ompul dogur ke eswom e amdangdang pampamu lugom ke iye kovok. E langka umorwo aitno lumu kene e umadangdang pampamu lumu isuk boto ma umakaranga umawai itau ke Pmada ke elio gesa elio langane itau. E mase umorwo blang umodue pampamu lumu tineklep pulu blang. Lama umakaranga umaplau pampamu lumu itau kovok e Satan tok umu.

2 Korin 11:2

Ngong lana ngong ke umu langka Ida Tapolngon lana iye ke umu. E ngarere umu langka umegi Krais e ngawaiki umodong itau lokono langka apmang ka dau due elio kap gute kovok aitno la ke gute ka iye ma gi iye.

2 Korin 11:27

Ngadue bokongon ka engil lokono e aling pula ngaboko e ngamunu kudung kovok. E aling pula sapanga due ngong e aki vel ngong kesua ngau ngangon sasi boto vala e tarna lungong blesim kesua lou klos karanga ke ngong kovok.

2 Korin 6:5

E silang blang imodong dagar lokono alo ka osep timluk imi e alo ka tidue imi imesep ke kalabus. Osep leklou aitno lisak soulu ke imi e tisruk osep aitno lisak ma tiwaiki tipaiavu imi. E imoboko engil lokono e imakaranga imomunu kudung itau kovok e sapanga due imi.

Pelengon kukwopngon 19:7

Deka itasandir omba e aitno lite dong itau lokono e itakakai Ida Tapolngon angaine tito la egim. Kesua taim ka Sipsip Otno due ila asap polou kodong e ila asap kere ila wan bitna bitna kodong.

Pelengon kukwopngon 21:9

Io ensel kene ke ensel lumorwo ka tikis dis ka agegeng lumorwo ka due Ida Tapolngon aitno ila engil yagos dong ine me ke ngong e wai langane. “Omo ma nganis wom ke apmang ka Sipsip Otno ila asap.”