Mak 16:18 - Aria New Testament

¹⁸ Langka tikis mota ka orsak olune soulu ka due osep timete ma timete kovok batne ke ngong. Langka tinim aki soulu ka due osep timete ma timete kovok. Aurou. Ma tidong vala batne ke ngong. Ma limsak tiduru timunu ke osep ka tipaia deka ma osep tonari inarak paiangan yagos batne ke ngong.”

Mak 16:18 Iomraidhean Croise

Mak 5:23

Deka iye wai langane. “Erigu apmang ka daudeng ina paiangan ombatno lokono e isuk boto ma iye mete ine. E omo ma livep kai iye ma omlua iye ma iye mete kovok.”

Luk 10:19

Umoklingen. Ngakar lou arit ke umu ma umakaranga umelila e kopmu tipes mota soulu e tipes gitu e umomole upu oul Satan. E wan gesa karanga due asmel ke umu kovok.

Aposel 19:12

E osep pula tidue urok hankisip e molo daudeng tikai Pol tarna deka tikalke ke osep ka tipaia e ke osep ka angelo soulu dong ke aitno lisak. Deka hankisip e molo daudeng due osep ka tipaia inarak paiangan yagos e angelo soulu tisongon osep kla.

Aposel 3:12

Pita vati osep tonari deka ile omur tidigrik deka iye wai ke isak langane. “Umu osep Israel ina ina lange umedigrik ke elio ane? Ina lange omtomu nekek dagar ke imi? Aitno lumu lange? Aitno lumu mter elio ka gute ane lila ina poloungon batne limem arit koke limem elio itau koke lange?”

Aposel 3:16

Eknikane umavati e umeile gute ane. E Yesus ka aitno limi dagar lokono ke iye ila arit due gute ane kamla polou itau blang. Aitno la dagar ke Yesus e ila arit vala due gute ane kamla polou itau blang langka umakaranga umavati.”

Aposel 4:10

Ma ngapalongo lumu umogosok osep Yuda ina ka pula keniye ma umeile omur ke elio ane ina poloungon batne. Gute Yesus ila arit due gute ane kamla polou itau blang. Oglou umenilim Yesus kamla e limla ke ina akai deka iye mana ine e mete. Deka osep tipaur pampamu ine la munu ke ina denga. Mase Ida Tapolngon didi ila arit e due poga tito ke ina denga. Deka eknikane gute ka umavati ane iye vri ane batne ke Yesus Krais ka Nasaret ina ila arit due kamla polou itau blang.

Aposel 4:22

Kesua gute ka kamla polou itau blang ina tobor ina sasa mole isapanal kodong.

Aposel 4:30

Omlua imi ke lem arit e ma lem arit due osep ka tipaia tipolou itau blang. Omlua imi ke lem arit ma imodue elio arit ina bitna bitna ke Yesus ka lem gute bokongon ina ka itau lokono angaine.”

Aposel 9:34

Deka Pita wai ke iye langane. “Ainas Yesus Krais lua wom e due kevep tipolou itau blang e oku ane emtito emkere lem kova.” Iye wai langane deka lokono Ainias tito vri.

Pas ka Pol sogoe uti la ke osep Rom ina 16:20

Deka Ida Tapolngon ka due aitno lite tidong epen ma paiavu Satan ma ila arit yagos. Ma iye karanga due elio soulu ke umu kovok. Ma umomole iye vala. E ngawai ke Ida Tapolngon ma Ida Puda Yesus Krais ila makaingan dong ke umu.

1 Korin 12:9

E ke gute silang Ano Itau due aitno ila dagar polou dagar lokono. E Ano Itau kere gute silang ma iye karanga lua osep ka tipaia ma tipolou itau blang.