Mak 16:14 - Aria New Testament

¹⁴ Mase ila disaipel songotno kene tiduni pulu tidong lelei bota gesa ka tingen inarak ngangon ine. Deka Yesus me polou ke isak deka iluk isak kesua aitno lisak dagar ke ila baulukngon kovok e tingelek ine vala. Iye iluk isak kesua alo ka tiklingen pelengon ke osep ka tivati iye poga tito ke ina denga aitno lisak la dagar ke osep tonari urok pelengon kovok.

Mak 16:14 Iomraidhean Croise

Matyu 11:20

Ke armok ka Yesus due elio arit ina pula ine osep tibauluk aitno lisak ke Ida Tapolngon kovok e Yesus mulu isak e wai ke isak langane.

Matyu 17:20

E Yesus wai ke isak langane. “Umakaranga umasapir iye kovok kesua aitno lumu ila dagar sasi boto vala. Ngawai lokono ke umu. Langka aitno lumu ila dagar daudeng langka mastet londo umakaranga umawai ke gigri ma iye songon omur kene e la ke omur silang e gigri ma la. E ma umakaranga umodue elio keniye ka umawaiki umodue.

Matyu 28:17

E alo ka tivati iye tilotuim iye e dau isak leklou aitno lisak orwo ke iye.

Mak 7:18

Deka iye wai ke isak langane. “Umu blang umeile omur ke lou pelengon tonari lana ine kovok? Pelengon tonari lana ine langane. Ngangon bitna bitna ka dong e gute gesa ngene ma karanga paiavu iye e due polou mali kovok.

Luk 24:11

E osep aitno lisak dagar ke urok pelengon kovok kesua aitno lisak mter isak kaka e tiwai pelengon adai vala.

Luk 24:25

Deka Yesus wai ke isak langane. “Umu kaka lokono e aitno lumu la dagar suong ke pelengon ka oglou osep napaprangan ina tiwai ine kovok.

Jon 20:25

E mase Yesus ila disaipel leklou tiwai ke iye langane. “Imavati Ida Puda.” E Tomas koli wai ke isak langane. “Lama ngavati nil ina amal ke limla e ngadue lungu otno sep ine e ngadue lungu sep ke ovuk ke galna ma aitno lungong dagar ke elio ka iye dong blang kovok.”

Jon 20:26

Mase oklou epmes lumorwo mela yagos e ila disaipel tidong ke ninu e Tomas dong kap isak blang. E tidiva ekreng bitna e Yesus polou airavu ke isak e wai langane. “Aitno lumu dong epen.”

Jon 20:27

Deka iye wai ke Tomas langane. “Omdue livep otno ane e amvati lungu e omdue livep sep ke galna lungong. Aitno lugom dagar ke ngong e aitno lugom orwo sakam.”

Jon 21:1

Elio ane yagos deka mase Yesus polou ke ila disaipel blang ke elim Taiberias ka angaine silang elim Galili. E iye polou ke amtarsak langane.

Jon 21:14

Ane aling eklu ina Yesus polou e nis iye ke ila disaipel batne ke taim ka iye poga tito ke ina denga.

Aposel 1:3

Oglou osep epmes ina tidue agegeng ke iye e timluk iye ma iye mete. Timluk iye ma iye mete deka iye munu ke ina denga mase iye poga tito ke ina denga. Alo ka iye dau dong ke taklak iye polou ke ila aposel amtarsak deka tivati ila elio isuk isuk e tile omur iye mole metengen e iye dong blang. E iye parere isak ke alo ka mase Ida Tapolngon ma plau omur ka pula keniye. Iye dong ke taklak oklou isapanal.

1 Korin 15:5

Iye poga tito ke ina denga deka mase iye polou ke Pita e mase iye polou ke ila aposel songotno orwo.

Pelengon kukwopngon 3:19

Ngong lana ngong ke osep deka ma nganis isak ke urok elio soulu e ma ngamosi urok elio soulu. Deka ma umoboko engil lokono e umabauluk aitno lumu ke lumu elio epmes ina.’”