Mak 15:15 - Aria New Testament

¹⁵ Pailat klingen urok pelengon deka iye didi aitno lisak ine kesua iye waiki aitno lisak itau ke iye. Deka iye songon Barabas ke kalabus deka iye la. Deka Pailat kar pelengon ke osep ola ina ma tiules Yesus omba. Iye wai ma isak tiules iye ma yagos deka ma tinilim kamla e limla ke ina akai ma iye mana ine e mete.

Mak 15:15 Iomraidhean Croise

Matyu 20:19

E ma tipaur iye ke osep ka isak osep Yuda ina kovok e osep tonari ma tidue apok ke iye e tiules iye e tinilim iye ke ina akai. E dau mase oklou eklu mela yagos deka ma iye poga tito ke ina denga.”

Matyu 27:26

Deka Pailat songon Barabas ke isak e wai ma osep tiules Yesus deka tikar iye ke osep ma tinilim iye ke ina akai.

Mak 10:34

Deka ma tingen agom ke ngong. Ma tipi omsok duru ke ngong. Ma tiules ngong pula e ma tidue burwa ke ngong ma ngamete. Deka ma osep leklou tiyas pampamu lungong ke ngau denga deka ma ngamunu ine. Ma ngamunu ine la lama oklou eklu mela yagos deka ma ngapoga ngatito ke ngau denga.”

Mak 15:14

Deka Pailat pmi isak langane. “Yesus due elio soulu lange ma umawaiki iye mete ine?” Iye pmi isak langane e osep tiwai omba langane. “Amwai ke osep ma tinilim kamla e limla ke ina akai ma iye mana ine e mete.”

Luk 18:33

E ma tiules iye deka tidue burwa ke iye ma iye mete. Mase oklou eklu mela yagos deka ma iye poga tito ke ina denga.”

Luk 23:16

Ke batne ane ma ngaules iye e ngasongon iye la.”

Jon 19:1

Deka Pailat wai ma osep ola ina tiules Yesus.

Jon 19:16

Deka Pailat kar Yesus ke isak ma tinilim iye ke ina akai.

Aposel 24:27

E alo ka tobor orwo mela yagos gute Porsius Festus kasip Feliks amune e due ila bokongon. E Feliks waiki osep Yuda ina aitno lisak itau ke iye deka iye due Pol dau dong ke kalabus.

Aposel 25:9

Festus klingen Pol ila pelengon e waiki lua osep Yuda ina kesua iye waiki aitno lisak itau ke iye. Deka iye pmi Pol langane. “Aitno lugom lange? Ma itetito itala ke Jerusalem ma ngawade wom ke sinngen elio ka osep Yuda ina tisin isak tivri ke wom ke armok are koke aurou?”

Galesia 1:19

Ke alo ari ngavati osep aposel gesa blang kovok. Ngavati Jems ka Ida Puda ina aiver vala.

1 Pita 2:24

Krais mana ke ina akai e mete e kasip amunte. E Ida Tapolngon due udo elio epmes ina munu pes Krais pampamu ine ma aitno lite oglou ina mete e itakaranga itodue elio itau e osuk vala. Osep timluk Krais e pampamu ine amal amal ma iye lua ite ma itopolou itau blang.