Mak 14:21 - Aria New Testament

²¹ Deka ma elio polou ke ngong ka Gute Ka Polou Langka Osep eriar langka oglou osep napaprangan ina tisogo ine. E aitno lungong kro lokono ke gute ka lai ngau. Langka tna divir iye kovok are itau.”

Mak 14:21 Iomraidhean Croise

Matyu 26:54

E Ida Tapolngon ila pelengon wai ma elio ane polou ke ngong. Langka Ida Tapolngon pagei ensel ma tilua ngong deka elio ka ila pelengon wai ine ma polou kovok.”

Matyu 26:56

E elio ane polou ma wan ka osep napaprangan ina tiwai ine ke Ida Tapolngon ila pelengon ma polou.” Deka ila disaipel keniye tisongon iye e tiulou.

Mak 14:20

Deka Yesus koli wai langane. “Gute kene ke umu ka lou disaipel songotno orwo ka imorwo lipmi due bret la sep ke dis ane ma lai ngau.

Mak 14:22

Yesus gosok ila disaipel tingen inarak ngangon deka iye due bret gesa e wai tenkyu ke Ida Tapolngon ine. Iye wai yagos deka tuktuke e kare ke ila disaipel. Deka iye wai ke isak langane. “Umodue bret ane kesua iye pampamu lungong.”

Mak 14:49

Oklou keniye ngadong ke omur ka lelei Ida Tapolngon ila ninu e ngaparere umu deka ari umekis ngong kovok. E elio ane ka umodue ke ngong polou ma Ida Tapolngon ila pelengon ka oglou osep napaprangan ina tisogo ine polou lokono.”

Luk 22:22

Lokono. Gute Ka Polou Langka Osep ma didi ekreng ka didi Ida Tapolngon aitno e aisudo ke gute ka lai iye ina.”

Luk 24:44

Deka iye wai ke isak langane. “Alo ka ngong dau ngadong kap umu ngawai ke umu langane. Wan ka pula keniye ka dong ke Moses ila sogongon e dong ke osep napaprangan ina urok sogongon e dong ke Buk Song ka lana ine me ke ngong ma tipolou lokono.”

Jon 19:28

E Yesus mana ke ina akai e ile wan ka pula keniye ka Ida Tapolngon waiki iye due isak yagos kodong. E ma Ida Tapolngon ila pelengon ka oglou gute napapra-ngan ina gesa sogoe polou lokono iye wai langane. “Kre lungong kakrak e ngawaiki nga­inim aki.”

Aposel 2:23

Oglou ari kodong Ida Tapolngon didi aitno deka rere gute Yesus ma iye mete e kasip amunte. Mase tauni kovok e Yesus dong kap ite. Deka umodue osep epmes ina aitno lisak engil ke Yesus deka tidue agegeng ke iye e tinilim kamla e limla e iye mana ke ina akai deka mete ine.

Aposel 4:27

“Pelengon ane ka oglou Devit wai ine polou lokono ko-dong. Oglou Herot orwo Pontius Pailat tigosok osep ka tile Ida Tapolngon kovok e osep Israel ina tiduni pulu ke armok ane. Deka tidue agegeng ke Yesus ka emrere iye lem gute bokongon ina ka itau lokono.