Mak 14:13 - Aria New Testament

¹³ Tipmi Yesus langane deka iye pagei ila disaipel orwo ma isak kla tikere wan bitna bitna. E iye wai ke isak langane. “Umorwo umala umesep ke Jerusalem deka ma umososon gute arang gesa ka kalke aki tarna ka bon. Deka umedidi iye.

Mak 14:13 Iomraidhean Croise

Matyu 8:9

Kesua osep tiplau ngong e tiwai wansua ma ngadue e ngadue e ngaplau osep leklou e ngawai wansua ma tidue e tidue. Ngakaranga ngawai ke gute kene ‘amla’ e iye la e ngakaranga ngawai ke gute silang ‘omo’ e iye me. Ngawai ke lou gute bokongon ina ‘omdue wan ane’ e iye due.”

Mak 14:12

Rogo ka lana ine la ke alo ka Ida Tapolngon lua osep Yuda ina tisongon omur Isip ina oklou mgongon ina polou. Deka osep Yuda ina tingen inarak bret ka yis dong ine kovok e timter sipsip titno ka tiwaiki tidue elio opmu ina ke isak. Deka ari Yesus ila disaipel tipmi iye langane. “Ma imala ge ma imekere rogo ka lana ine la ke alo ka Ida Tapolngon lua udo seia tisongon omur Isip ina ngangon ma itangene?”

Mak 14:14

Umedidi iye la lama iye la polou ke ninu gesa e sepe. Deka umawai ke ninu tonari ina gute langane. ‘Limem gute parerengen ina wai langane. “Eliang kaulei ina ka ngadong ine e ngagosok lou disaipel imangen ngangon ka lana ine la ke alo ka Ida Tapolngon lua udo seia tisongon omur Isip dong ge?”’

Jon 15:14

Langka umeini e umedidi wan ka ngawai dagar ine deka umu lou saten.

Jon 2:5

E Yesus tna wai ke osep bokongon ina langane. “Wan ka iye wai ke umu ine umodue.”

Hibru 4:13

Ida Tapolngon tapol wan ka pula keniye deka wan gesa dong ka karanga kukwop ke iye kovok. Wan ka pula keniye dong malak ke bitna e mase ma itawai ke iye ke elio isuk isuk ka itodue kodong.

Hibru 5:9

Elio tonari polou ke iye deka iye polou gute ka lua osep ke urok elio epmes ina. Deka iye lua osep ka tini iye ke urok elio epmes ina dong vala dong.