Mak 14:1 - Aria New Testament

¹ Alo ari osep Yuda ina tikere rogo ka lana ine la ke alo ka Ida Tapolngon lua isak tisongon omur Isip. Deka tikere inarak bret ka yis dong ine kovok ma gasak tingene. Alo ari osep loulou ina ka omba e osep ka tile itau ke Moses ila sogongon tikrim ekreng ka tiwaiki tiyak Yesus ine ma tikis iye dagar. Kesua tiwaiki tidue burwa ke iye.

Mak 14:1 Iomraidhean Croise

Matyu 12:14

Deka osep Farisi ina tisongon ninu e tilalo pelengon ma timter Yesus ma iye mete.

Matyu 6:2

“Alo ka umakar mani ke osep ka urok wan isuk boto vala umodue kuliep wai mgo ke umu kovok. Osep ka aitno lisak orwo tidue langane ke duningen ina ninu e ke ekreng ma osep tipalem isak e tikakai angainsak. Ngawai lokono ke umu langane. Tidue urok klingen ine kodong.

Mak 14:12

Rogo ka lana ine la ke alo ka Ida Tapolngon lua osep Yuda ina tisongon omur Isip ina oklou mgongon ina polou. Deka osep Yuda ina tingen inarak bret ka yis dong ine kovok e timter sipsip titno ka tiwaiki tidue elio opmu ina ke isak. Deka ari Yesus ila disaipel tipmi iye langane. “Ma imala ge ma imekere rogo ka lana ine la ke alo ka Ida Tapolngon lua udo seia tisongon omur Isip ina ngangon ma itangene?”

Mak 14:2

Tiwai pulu langane. “Itodue alo ka rogo kovok lama elio ane sruk osep aitno lisak e ma tipaiavu ite ine.”

Jon 11:47

Deka osep loulou ina ka omba e osep Farisi ina tidue osep kaunsil ina tiduni pulu e tiwai ke isak langane. “Ma itodue sua kesua gute are due elio arit ina ka nisngen pula?

Jon 13:1

Rogo omba ka lana ine la ke alo ka Ida Tapolngon lua osep Yuda ina tisongon omur Isip polou dau kovok. E Yesus ile isuk boto ma iye songon taklak e la ke Timla. Iye lana iye ke ila osep ka tidong ke taklak e iye lana iye ke isak la lama alo ka iye mete.

Aposel 12:4

Osep ola ina tonari tidue Pita la ke kalabus kodong deka osep ola ina leklou blang tiplau iye. Osep ka tiplau Pita inarak sasa songotno lumakene. Osep apanal apanal tiplau iye aling kene e tilua pulu ke ina plaungan. Tiplau iye itau kesua Herot waiki alo ka osep Yuda ina inarak apu tonari yagos ma Pita polou ke osep pula amtarsak e ma osep ola ina timke iye ma iye mete.