Mak 12:6 - Aria New Testament

⁶ “Yage ina gute pagei ila wokboi nating keniye ma isak tidue ina galou wain toru ine tonari e osep ka tiplau yage tipaiavu isak keniye. E gute kene vala dau dong ka iye karanga pagei iye la ke osep tonari. Iye otno arang ka iye lana iye omba ke iye. Deka yage ina gute aitno mter langka iye pagei otno arang la ma iye due ina galou wain toru ine ma osep ka tiplau yage tidue anit ke iye.

Mak 12:6 Iomraidhean Croise

Matyu 1:23

Iye wai langane. “Apmang ka due elio kap gute arang kovok ma polou somugu e divir mimi arang. Iye divir iye deka osep ma tisir angaine Emanuel.” Emanuel lana ine langane. Ida Tapolngon dong kap ite.

Matyu 11:27

“Livou kar wan ka pula keniye ke ngong e iye vala ile Otno Arang. E Otno Arang kene vala iye ile Ida Tapolngon lokono. E osep leklou ka Otno Arang tonari waiki palongo urok ke Ida Tapolngon ma tile iye blang.”

Matyu 17:5

Alo ka Pita dau wai gaup ka okou lokono kading oklou e kreine me ke gaup ka wai langane. “Gute ane Erigu Arang ka ngong lana ngong ke iye omba e aitno lungong itau lokono ke iye. Umoklingen ila pelengon.”

Matyu 26:63

E dau Yesus koli wai kovok. E gute loulou ina ka mgo wai ke iye langane. “Ngawai ke wom ke Ida Tapolngon ka dong vala dong angaine ma amwai lokono ke imi. Wom gute Krais ka Ida Tapolngon rere ma iye lua osep koke aurou? Wom Ida Tapolngon Otno Arang?”

Matyu 3:17

E osep tiklingen kreine kene wai ke omur heven langane. “Gute ane Erigu Arang ka ngong lana ngong ke iye e aitno lungong itau lokono ke iye.”

Mak 1:11

E iye klingen Ida Tapolngon wai ke omur heven langane. “Wom Erigu Arang lokono ka ngong lana ngong ke wom omba. Aitno lungong itau lokono ke wom.”

Mak 12:5

Mase yage ina gute pagei ila wokboi nating silang blang ma iye la due ina galou wain toru ine. Deka osep ka tiplau yage tidue burwa ke iye. Mase yage ina gute pagei ila wokboi nating pula ma isak kla ke yage ma tidue ina galou wain toru ine leklou. Deka osep ka tiplau yage timluk osep leklou e tidue burwa ke osep leklou blang.”

Mak 12:7

Deka yage ina gute pagei otno arang la ke yage deka iye polou ine. Deka osep ka tiplau yage tiwai pulu langane. ‘Gute ka me are iye yage ane ina gute otno arang. Mase ma iye due timla ila wan matamuli deka ma yage ane polou ila wan blang. Itala itodue burwa ke iye ma mete deka ila wan matamuli ka munu ke yage ane ma polou udo wan.

Mak 9:7

Pita wai pelengon tonari yagos deka gaup polou e kading isak. Deka tiklingen kreine polou ke gaup tonari ka wai langane. “Gute ane Erigu Arang ka ngong lana ngong omba ke iye. Talapmu klingen ila pelengon.”

Luk 3:22

E Ano Itau langka belis duru dong ke Yesus e kreine wai ke omur heven langane. “Wom erigu arang ka ngong lana ngong ke wom e aitno lungong itau lokono ke wom.”

Luk 9:35

Deka kreine wai ke gaup langane. “Gute ane Erigu Arang ka ngarere. Umoklingen ke iye.”

Jon 1:14

Gute ka ina sirngen Ida Tapolngon Ila Pelengon polou langka itosep e ke sasi boto iye dong kap ite e itavati ila bublongon e ila arit ka ombatno. Iye dong langane kesua iye Ida Tapolngon Otno Arang ka kene vala e elio ka iye makai ite e wai pelengon lokono bon ke iye.

Jon 1:18

Gute kene vati Ida Tapolngon kovok e dau Otno Arang nis ite malak ke iye ma iteile omur ke iye. Otno Arang tonari iye kene vala e iye dong olwo boto ke Ida Tapolngon e iye Ida Tapolngon blang.

Jon 1:34

E ngavati elio ane e ngapalongo lumu gute ane iye Ida Tapolngon Otno Arang.”

Jon 1:49

Deka Nataniel wai ke iye langane. “Rabai wom Ida Tapolngon Otno Arang. Wom gute ka vri mgo ke osep Israel ina.”

Jon 3:35

Ida Tapolngon ka Pmada lana iye ke Otno Arang e kar wan ka pula keniye ke limla ma iye plaue.

Jon 5:23

Iye due langane ma osep tidue anit ke ngong ka Otno Arang eriar langka tidue anit ke Livou. Langka gute due anit ke ngong ka Ida Tapolngon Otno Arang kovok are langka iye due anit ke Livou ka pagei ngong ngame kovok.”

Hibru 1:6

E silang blang alo ka Ida Tapolngon pagei ina sirngen duru ke taklak iye wai langane. “Ma lou ensel ka pula keniye tilotuim iye.”

1 Jon 4:9

Ida Tapolngon nis ite malak iye lana iye ke osep ke elio langane. Iye pagei Otno Arang ka kene vala me ke taklak ma itodue mosongon ka itau lokono batne ke iye.

3 Jon 1:1

Ngong gute kene ka ngaplau Ida Tapolngon ila osep e ngasogo pas ane uti ke wom Gaius. Wom lou aten e silang blang wom langka erigu e ngong lana ngong ke wom lokono.