Mak 12:15 - Aria New Testament

¹⁵ Osep tonari tipmi Yesus langane e iye ile omur ke urok yakngan. Deka iye wai ke isak langane. “Ina lange umotok ngong? Umodue mani gesa ka itekli wan bitna bitna ine me ma ngavati.”

Mak 12:15 Iomraidhean Croise

Matyu 20:2

E iye pado osep e wai kap isak ma iye kli isak ke kina kene ke gute kene kene ke oklou kene deka iye vai isak ke ila yage.

Matyu 22:18

E Yesus ile wan soulu ka tiwaiki tidue e iye wai ke isak langane. “Umu ka aitno lumu orwo ina lange umawaiki umotok ngong?

Mak 10:2

E ari osep Farisi ina leklou time tipolou ke iye ma titok iye. Deka tipmi iye langane. “Lange? Langka gute gesa dar ila gingen iye dar pelengon dagar ka oglou Moses sogoe koke aurou?”

Mak 12:14

Deka time tipolou ke Yesus e tiwai ke iye langane. “Gute parerengen ina imeile omur amwai lokono vala. Imeile omur omdue elio kene vala ke osep ka pula keniye lama angainsak omba koke angainsak omba kovok. E omdue anit ke osep batne angainsak omba langane kovok. E amwai lokono vala deka amparere osep itau ke Ida Tapolngon ila pelengon dagar. Deka imepmi wom langane. Langka imekli takis ke Sisar imadar Ida Tapolngon ila pelengon dagar koke aurou? Lange? Ma imekli takis koke aurou?”

Mak 12:16

Deka tipaur mani gesa me polou ke iye. Deka iye pmi isak langane. “Sei ano e angaine dong ke mani ane?” Deka tikoli tiwai langane. “Gute Sisar ano e angaine dong ine.”

Luk 20:23

E Yesus ile urok pelengon yakngan e koli wai ke isak langane.

Jon 21:17

Deka Yesus pmi iye aling eklu ina langane. “Saimon wom ka Jon otno arang wom lana wom ke ngong?” E Pita aitno soulu kesua iye pmi iye aling eklu ina langane. “Wom lana wom ke ngong?” E Pita koli wai langane. “Ee. Ngau Puda emile wan ka pula keniye e emile ngong lana ngong ke wom.” Deka Yesus wai ke iye langane. “Emkere lou osep ka isak langka sipsip itau.”

Jon 8:6

Tipmi Yesus langane ma titok iye ke ila pelengon. Langka iye wai pelengon ka tikaranga tidue e tisin elio vri ke iye batne ke ila pelengon tonari. E Yesus manik duru e limla titno sogo ke taklak ina group.

Aposel 5:9

Deka Pita wai ke iye langane. “Ina lange umorwo aitno lumu mter ke elio ane e umawaiki umayak Ida Puda Ano Itau ine? Emklingen osep ka tiyas lem boget tipolou ke ninu ane ina ekreng bitna kodong deka ma tikalke pampamu lugom ari blang.”

1 Korin 10:9

E ma itotok Ida Puda langka isak leklou tidue kovok. E mota ka amnga bitna langka mota soulu tingen isak e timete ine.

Hibru 4:13

Ida Tapolngon tapol wan ka pula keniye deka wan gesa dong ka karanga kukwop ke iye kovok. Wan ka pula keniye dong malak ke bitna e mase ma itawai ke iye ke elio isuk isuk ka itodue kodong.

Pelengon kukwopngon 2:23

E osep ka tididi iye ma ngamluk isak ma timete. Deka sios ka pula keniye ma tile omur langane. Ngakaranga ngawade osep ka pula keniye aitno lisak. E ngakoli batne ke umu kenmu kenmu karanga ke elio ka umodue.”