Mak 12:1 - Aria New Testament

¹ Deka Yesus wai ke osep ke pelengon ano gesa. Iye wai langane. “Gute gesa ila yage dong e iye usak galou wain ine. Iye usake yagos deka uri ina ari lelei yage tonari. Deka iye yas ovuk gesa ma osep tidue wan ka por galou wain toru ine sep ine e ina aki baser la sepe. Deka iye uri ninu gesa ka dong egim ma osep ka tiplau yage tidong ine e tiplau yage. E ma tikli iye ke taiko kene kene. Deka iye wai ke isak langane. ‘Umaplau lou yage ane deka alo ka lana ka galou wain usu polou ma umotuktuk toru ine ma leklou lou wan e ma leklou lumu wan.’ Gute tonari wai langane deka iye songon isak e la ke ila langan ke omur ka mawa.

Mak 12:1 Iomraidhean Croise

Matyu 13:3

Deka iye wai pelengon ano pula e parere isak. Iye wai langane. “Gute yage ina la ser wit londo ke ila yage.

Matyu 21:28

Deka Yesus wai pelengon ano langane. “Aitno lumu lange? Gute e titno orwo tidong e iye wai ke otno kene langane. ‘Erigu arang oklou ane amla omboko ke lou yage galou wain ina.’

Matyu 21:33

“Umoklingen e ma ngawai pelengon ano silang ke umu. Gute kene usak ila yage galou wain ina e uri ari lelei yage e yas ovuk ma wan ka por galou wain toru ine dong ine e iye uri ninu ka dong egim ma osep tidong ine e tiplau yage. E iye due osep leklou ma tidong tiboko ke yage ma tidue galou wain toru ine leklou. Deka iye la ke langan ke omur mawa.

Matyu 21:34

Mase alo ka lana ka galou wain toru ine sisiou polou yage ina gute pagei ila wokboi nating leklou ma tidue ila aman ke galou wain toru ine.

Matyu 25:14

“Alo ka Gute Ka Polou Langka Osep ma iding me omur heven ka Ida Tapolngon plaue ma dong langane. Aling kene gute waiki la ke ila langan e gom ila wokboi nating e wai ke isak ma tiplau ila wan keniye.

Mak 11:33

Deka tikoli tiwai ke Yesus langane. “Imeile omur Jon ila bokongon didi sei aitno kovok.” Deka Yesus wai ke isak langane. “Umokoli lou pmingen kovok deka ma ngawai ke umu ngadidi sei ila arit e ngadue elio bitna bitna ka ngadue kovok.”

Mak 13:34

Elio ka mase ma polou iye langka gute ka due ila langan ke omur ka mawa ka iye waiki dong dau tauni ine. Alo ka iye waiki songon ila ninu la iye wai ke ila wokboi nating ke bokongon bitna bitna ka iye waiki tidue. E iye kar pelengon ke gute ka plau ila ninu ina ekreng bitna ma iye plaue itau.

Mak 3:23

Deka Yesus gi ke osep tonari e wai langane. “Osep umomo ane.” Deka isak kla tipolou ke iye deka iye wai ke isak langane. “Ma Satan sapir iye tona koke aurou?” Deka iye wai ke isak ke pelengon ano langane.

Mak 4:2

Deka Yesus parere isak ke pelengon ano pula e wai ke isak langane.

Luk 15:13

E mase isuk boto vala gute orwo ina gom ila wan keniye e la ke omur mawa. E ke omur tonari iye kepis pula e due elio ulik ulik e suong boto ila mani e wan bitna bitna isak yagos.

Luk 19:12

Iye wai langane. “Gute gesa ka angaine omba la ke kantri mawa ma osep are tirere iye gute ka vri mgo ke urok kantri deka mase ma iye iding ke ila omur.

Luk 22:9

E tipmi iye langane. “Ma imekere wan bitna bitna ke omur ge?”

Luk 8:10

Deka Yesus koli wai ke isak langane. “Ida Tapolngon songon ngong ma ngapalongo lumu ke pelengon kukwop ka la ke omur heven ka Ida Tapolngon plaue. E ke osep leklou ngawai ke pelengon ano vala ma amtarsak vati wan bitna bitna e dau tivati itau kovok e talsak klingen e dau tile ine kovok.

Aposel 7:38

Alo ari Moses gosok osep Israel ina tidong pulu ke omur ka dong adai vala. Iye dong ine kap udo seia. Ari iye tito la ke gigri Sainai deka ensel gesa wai Ida Tapolngon ila pelengon ka dong aling aling ke iye ka lua ite. Moses duru ke gigri tonari deka kare ke osep deka pelengon tonari dong kap ite.”