Mak 11:32 - Aria New Testament

³² E langka itawai Jon ila bokongon didi osep aitno lisak ma osep aitno lisak engil ke ite deka ma itousine? Kesua osep pula tiwai gute Jon iye gute napaprangan ina lokono.”

Mak 11:32 Iomraidhean Croise

Matyu 11:9

Umawai ke ngong. Umala ma umavati wansua? Umala ma umavati gute napaprangan ina i? Lokono. Iye gute napaprangan ina e iye gute napaprangan ina vala kovok. Aurou. Iye mole osep napaprangan ina leklou.

Matyu 14:5

E Herot waiki mter Jon ma iye mete e dau iye due langane kovok kesua iye lim ke osep. Kesua aitno lisak mter langka Jon gute napaprangan ina.

Matyu 21:46

E alo ka tiwaiki tidue sep ka kalabus tilim ke osep pula pula kesua osep aitno lisak mter iye gute napaprangan ina.

Mak 11:31

Osep tonari tiklingen Yesus ila pmingen deka timter pelengon pulu ma tikoli ila pelengon ke pelengon lange. E tiwai pulu langane. “Langka itawai Jon ila bokongon didi Ida Tapolngon aitno ma iye wai ke ite langane. ‘Ina lange aitno lumu la dagar ke ila pelengon kovok?’

Mak 11:33

Deka tikoli tiwai ke Yesus langane. “Imeile omur Jon ila bokongon didi sei aitno kovok.” Deka Yesus wai ke isak langane. “Umokoli lou pmingen kovok deka ma ngawai ke umu ngadidi sei ila arit e ngadue elio bitna bitna ka ngadue kovok.”

Mak 12:12

Osep loulou ina ka omba e osep ka tile itau ke Moses ila sogongon e osep namormor tiklingen Yesus ila pelengon ano deka tile omur lana ine la ke isak. Deka tiwaiki tikis Yesus dagar e tikaranga tidue kovok kesua tiulou tarna lisak ke osep pula pula are. Deka tisongon iye e isak kla.

Mak 6:20

Kesua gute Herot due anit ke Jon e iye ile Jon iye gute ka dong itau e osuk ke Ida Tapolngon bitna e ila elio isuk isuk keniye itau vala. Deka iye plau Jon itau lama elio soulu polou ke iye. Alo ka gute Herot klingen Jon ila pelengon aitno mter pula ine. E dau iye waiki klingen Jon ila pelengon.

Luk 20:19

Alo ari osep ka tile itau ke Moses ila sogongon e osep loulou ina ka omba tikrim ekreng ma suong tidue Yesus sep ke kalabus kesua tile alo ka iye wai pelengon ano tonari lana ine la ke isak. E tidue kovok kesua tilim ke osep.

Luk 22:2

E osep loulou ina ka omba e osep ka tile itau ke Moses ila sogongon tikrim ekreng ma tidue burwa ke Yesus kesua tilim ke osep.

Jon 10:41

Osep pula time ke Yesus e tiwai langane. “Lama Jon due elio arit ina ka isak nisngen kovok wan ka pula keniye ka iye wai ine ka me ke gute ane iye pelengon lokono.”

Aposel 5:26

Tiklingen gute tonari ila omon deka osep ka tiplau Ida Tapolngon ila ninu tigosok inarak puda isak kla tipolou ke osep aposel. Deka tidue isak e tibauluk e tidue agegeng ke isak kovok kesua tiulou tarna lisak ke osep pula lama tidue opmu e timluk isak ine.