Mak 11:23 - Aria New Testament

²³ Ngawai ke umu ke pelengon lokono ane. Langka gute gesa aitno dagar ke Ida Tapolngon vala e aitno orwo kovok deka wan ka iye wai itau ke Ida Tapolngon ine ma polou lokono. Langka aitno dagar langane e iye wai ke gigri ka vri are ma iye due iye tona e tapre iye la sep ke misuon deka ma elio didi ila pelengon.”

Mak 11:23 Iomraidhean Croise

Matyu 14:13

Alo ka Yesus klingen omon ke Jon ina metengen iye sep ke bot e la ke omur ka dong adai vala ma iye kene vala dong are. E alo ka osep tiklingen ine tisongon armok armok e tilila tididi iye.

Matyu 17:20

E Yesus wai ke isak langane. “Umakaranga umasapir iye kovok kesua aitno lumu ila dagar sasi boto vala. Ngawai lokono ke umu. Langka aitno lumu ila dagar daudeng langka mastet londo umakaranga umawai ke gigri ma iye songon omur kene e la ke omur silang e gigri ma la. E ma umakaranga umodue elio keniye ka umawaiki umodue.

Matyu 21:21

E Yesus koli wai langane. “Ngawai ke umu lokono. Langka aitno lumu dagar ke Ida Tapolngon e aitno lumu orwo ke iye kovok umakaranga umodue elio ka ngadue ke akai fik ane vala kovok. Aurou. Umakaranga umawai ke gigri ma iye tito e la ke misuon e ma gigri didi lumu pelengon.

Luk 17:6

E Ida Puda koli wai ke isak langane. “Langka aitno lumu ila dagar daudeng langka mastet londo umakaranga umawai ke akai omba langane. ‘Lem gigitno polou e amla e omusak wom tona ke misuon.’ E akai are ma didi lumu pelengon.”

Jon 14:13

E wan ka umepmi Ida Tapolngon ine batne ke ngong ma ngadue ma Ida Tapolngon Otno Arang nis osep ke Timla ila elio ka itau lokono.

Jon 15:7

“Langka umodong dagar ke ngong e lou pelengon dong ke aitno lumu umepmi ngong ke wan bitna bitna ka umawaiki umodue e ma wan tonari tipolou langka umepmi ngong ine.

1 Korin 13:2

E langka ngakaranga nganapapra Ida Tapolngon ila pelengon e ngaile Ida Tapolngon ila pelengon ka kukwop e ngaile ilengen bitna bitna keniye blang. E langka aitno lungong ila dagar omba lokono ma ngakaranga ngadue gigri yari la ke omur silang. E dau ngong lana ngong ke osep kovok ngong langka wan adai vala.