Mak 11:18 - Aria New Testament

¹⁸ Osep loulou ina ka omba e osep ka tile itau ke Moses ila sogongon tiklingen Yesus ila pelengon deka tikrim ke ekreng ma tididie ma tipaiavu iye ine. Tidue elio langane e tiulou tarna lisak ke iye kesua osep pula aitno lisak mter pula ke ila parerengen.

Mak 11:18 Iomraidhean Croise

Matyu 21:15

E osep loulou ina ka omba e osep ka tile itau ke Moses ila sogongon tivati wan ka Yesus due e tiklingen agau tidaiku. Tidaiku langane. “Ma itakakai gute ka osep tisir iye Devit Otno Arang angaine.” Tivati wan tonari e aitno lisak amnga ine.

Matyu 7:28

Yesus parere osep yagos e osep tidigrik e aitno lisak mter pula ke ila parerengen.

Mak 1:22

Osep tiklingen ila parerengen deka ansak nesik omba ine. Kesua iye didi ila arit e parere osep ke pelengon tonari. E iye wai adai eriar langka osep ka isak urok parerengen ina tidue kovok.

Mak 11:32

E langka itawai Jon ila bokongon didi osep aitno lisak ma osep aitno lisak engil ke ite deka ma itousine? Kesua osep pula tiwai gute Jon iye gute napaprangan ina lokono.”

Mak 12:12

Osep loulou ina ka omba e osep ka tile itau ke Moses ila sogongon e osep namormor tiklingen Yesus ila pelengon ano deka tile omur lana ine la ke isak. Deka tiwaiki tikis Yesus dagar e tikaranga tidue kovok kesua tiulou tarna lisak ke osep pula pula are. Deka tisongon iye e isak kla.

Mak 3:6

Osep Farisi ina tivati elio tonari e aitno lisak nevlik amnga lokono ine. Deka tisongon duningen ina ninu e isak kla tipolou ke osep ka Herot sisrok. Deka osep Farisi ina e osep ka Herot sisrok tilalo pelengon ke elio ka tiwaiki tidue burwa ke Yesus.

Mak 6:20

Kesua gute Herot due anit ke Jon e iye ile Jon iye gute ka dong itau e osuk ke Ida Tapolngon bitna e ila elio isuk isuk keniye itau vala. Deka iye plau Jon itau lama elio soulu polou ke iye. Alo ka gute Herot klingen Jon ila pelengon aitno mter pula ine. E dau iye waiki klingen Jon ila pelengon.

Luk 19:47

E oklou kene kene iye parere osep ke omur ka lelei Ida Tapolngon ila ninu. E osep loulou ina ka omba e osep ka tile itau ke Moses ila sogongon e osep namormor ke osep Yuda ina tiwaiki tidue burwa ke iye.

Luk 2:47

E osep ka pula keniye ka tiklingen ila pelengon aitno lisak mter pula ine batne ke ila ilengen ka omba e tidigrik ke ila kolingen blang.

Luk 20:19

Alo ari osep ka tile itau ke Moses ila sogongon e osep loulou ina ka omba tikrim ekreng ma suong tidue Yesus sep ke kalabus kesua tile alo ka iye wai pelengon ano tonari lana ine la ke isak. E tidue kovok kesua tilim ke osep.

Luk 4:22

E osep are tiwai ila pelengon lokono e aitno lisak mter pula ke ila pelengon itau ke iye wai ine. Deka tipmi pulu langane. “Gute ane Josep otno arang i?”

Jon 7:1

Mase Yesus lila ke omur omur ke omur Galili e iye la ke omur Judia kovok kesua osep Yuda ina ka tidong ke omur are tiwaiki tidue burwa ke iye.

Jon 7:19

“Oglou Moses kar ila sogongon ke umu e dau gute kene ke umu didi sogongon tonari kovok. Ina lange umawaiki umodue burwa ke ngong?”

Jon 7:46

E tikoli tiwai ke isak langane. “Oglou imeklingen gute silang wai pelengon itau langka iye wai kovok.”

Aposel 24:25

Pol wai pula ke elio ka itau e osuk e ke elio ka osep tiplau isak itau. Silang iye palongo Feliks ila ke elio ka mase Ida Tapolngon ma wade osep ka pula keniye urok elio. Feliks klingen ila pelengon deka ulou tarna ine e wai langane. “Yagos. Ngaklingen lem pelengon iding ke ane deka yagos. Amla omdong la lama aling gesa alo ka ngawaiki ngaklingen lem pelengon blang deka ma ngapalongo lem ine.”