Mak 10:47 - Aria New Testament

⁴⁷ Alo ka iye klingen osep tiwai Yesus ka Nasaret ina me deka iye daiku langane. “Yesus wom ka osep tisir wom Devit Otno Arang aitno lugom due ngong.”

Mak 10:47 Iomraidhean Croise

Matyu 1:1

Pelengon ane wai ke Yesus Krais ila osua osua. Yesus Krais polou ke Devit ila osua e Devit polou ke Abraham ila osua.

Matyu 12:23

E osep pula pula tidigrik e tiwai langane. “Gute ane gute ka osep tisir iye Devit Otno Arang koke aurou?”

Matyu 15:22

E apmang Kenan ina ka dong ke omur are me ke Yesus e wai langane. “Puda wom ka osep tisir wom Devit Otno Arang aitno lugom due ngong kesua angelo soulu dong ke etim apmang e due pogle ke iye.”

Matyu 2:23

E iye polou ine e dong ke armok Nasaret. Iye dong ke Nasaret ma pelengon ka gute napaprangan ina gesa wai polou lokono. Gute tonari wai langane. “Ma osep tisir iye gute Nasaret ina.”

Matyu 20:30

E osep orwo ka amtarsak evin tidong ke ekreng galna e tiklingen omon Yesus lila olwo boto ke isak. Deka tidaiku langane. “Wom ka osep tisir wom Devit Otno Arang aitno lugom due imi.”

Matyu 21:11

E osep pula pula tikoli tiwai langane. “Gute ane iye gute napaprangan ina Yesus ka me ke armok Nasaret ka dong ke omur Galili.”

Matyu 21:9

E osep pula kla mgo ke iye e osep pula time batne ke iye e tidaiku langane. “Itakakai gute ka osep tisir iye Devit Otno Arang angaine tito. Ma Ida Tapolngon due elio itau itau ke gute ka me ke angaine. Itakakai angaine tito la egim lokono.”

Matyu 26:71

E iye la ke omur are ina ekreng bitna e apmang bokongon ina silang vati iye e wai ke osep langane. “Gute ane iye dong kap Yesus ka me ke armok Nasaret.”

Matyu 9:27

Yesus songon omur are e lila la. Alo ka iye lila osep orwo ka amtarsak evin tididi iye e tidaiku langane. “Yesus wom ka osep tisir wom Devit Otno Arang aitno lugom due imi.”

Mak 1:24

“Yesus ka Nasaret ina wom lange wom ka omo omdong are? Omo ma ampaiavu imi? Ngaile omur ke wom. Wom Ida Tapolngon Otno Arang itau ka iye pagei wom omo.”

Luk 4:16

Mase iye la ke ila armok batne Nasaret e ke oklou sabat iye sep ke duningen ina ninu langka ila aiding. Iye sep deka tito vri ma iye ritim Ida Tapolngon ila pelengon.

Jon 1:46

E Nataniel koli wai langane. “Wan itau karanga polou ke Nasaret koke aurou?” E Filip wai langane. “Omo e amvati iye.”

Jon 19:19

E Pailat sogo pelengon e tipoue ke Yesus ina akai e pelengon tonari langane. “Gute ane Yesus ka Nasaret ina ka iye gute ka vri mgo ke osep Yuda ina.”

Jon 7:41

E osep leklou tiwai langane. “Gute ane iye gute Krais ka Ida Tapolngon rere ma iye lua osep ke urok elio epmes ina.” E osep leklou blang tiwai langane. “Aurou. Gute Krais ma me ke omur Galili kovok.

Jon 7:52

Deka tikoli tiwai ke iye langane. “Wom blang gute Galili ina? Amnana ke Ida Tapolngon ila pelengon e ma emile gute napaprangan ina gesa me ke omur Galili kovok.”

Aposel 6:14

Imeklingen iye wai langane. ‘Ma Yesus ka Nasaret ina dar Ida Tapolngon ila ninu ane e ma iye kar ite apu oku ina ka kasip udo apu ka oglou Moses kar isak ke ite.’”

Pelengon kukwopngon 22:16

“Ngong Yesus e ngapagei lou ensel ke wom ma ampalongo pelengon ane ke sios ke armok kene kene. Ngong tona gute Devit ila napakngan gesa e silang blang ngong langka gigimo marupo.”