Mak 10:43 - Aria New Testament

⁴³ E ke umu deka umodue elio bitna langka osep tonari ka tiplau umu tidue kovok. Langka gute waiki iye omba e ma mole umu ma iye polou lumu gute bokongon ina.

Mak 10:43 Iomraidhean Croise

Mak 10:42

Deka Yesus gi ila disaipel ma time tipolou ke iye. Tipolou ke iye deka iye wai ke isak langane. “Umeile omur osep epmes ina ka tivri mgo ke umu tiplau umu keniye. Deka umemeit ke osep ka tivri mgo ke umu. E osep namormor tididi urok arit e tiplau umu e ma umemeit ke isak blang.

Mak 10:44

E gute ka waiki mgo ke umu iye ma ini umu keniye langka iye lumu wokboi nating.

Mak 9:35

Deka Yesus duru dong e gi osep songotno orwo ma time tipolou ke iye. Deka iye wai ke isak langane. “Langka gute gesa waiki mgo ma iye me batne lokono e ma iye polou langka gute bokongon ina.”

Luk 14:11

Kesua gute ka kakai iye tona angaine ma Ida Tapolngon pes angaine duru e gute ka pes iye tona angaine ma Ida Tapolngon kakai angaine tito.”

Luk 18:14

Deka Yesus wai langane. “Ngawai ke umu langane. Alo ka isak orwo tiding ke urok ninu ninu gute ka due takis dong itau ke Ida Tapolngon bitna e gute silang dong langane kovok. Kesua gute ka kakai iye tona angaine ma Ida Tapolngon pes iye duru e gute ka pes iye tona angaine ma Ida Tapolngon kakai iye tito.”

Luk 22:26

E umodue elio langane sakam. Gute ka omba ke umu ma iye dong langka ina tobor awal boto e gute ka mgo ma iye dong langka gute bokongon ina.

Luk 9:48

E iye wai ke isak langane. “Gute sei ka lua mimi ane batne iye didi ngong lua ngong blang. E gute ka lua ngong lua gute ka pagei ngong ngame blang. Kesua gute ka angaine daudeng lokono ke umu ma mgo ke umu.”

Jon 18:36

E Yesus koli wai langane. “Omur ka ngavri mgo ine dong ke taklak ane kovok. Langka omur ka ngavri mgo ine dong ke taklak deka lou osep ma tidue evlei ma osep tikar ngong ke osep Yuda ina kovok. E omur ka ngavri mgo ine dong ke taklak ane kovok.”

Pas ka Pol sogoe uti la ke osep Rom ina 12:2

E umakana elio bitna bitna ka osep taklak ina tidue sakam. Umosongon Ida Tapolngon ma iye due aitno lumu tilumus tipolou oku. Alo ka aitno lumu tilumus tipolou oku ma umeile lokono ke Ida Tapolngon aitno. E ma umeile ke elio ka itau ka Ida Tapolngon aitno itau ine e ka wan gesa mole kovok.

Galesia 5:13

Sipmi. Ida Tapolngon gi umu ma umodong fri. E aitno lumu mter langane kovok. Imi imodong fri e imakaranga imedidi aitno limi ke elio oglou ina. Aurou. Ma aitno lumu mter langane. Imi kenmi kenmi imodong wokboi nating ke Ida Tapolngon ila osep leklou e ma imi lana imi ke isak.