Mak 10:33 - Aria New Testament

³³ “Umoklingen lou pelengon. Itetito itala ke Jerusalem e ma osep tikar ngong ka Gute Ka Polou Langka Osep ke osep loulou ina ka omba e osep ka tile itau ke Moses ila sogongon limsak. Deka ma tikotim ngong e tikar ngong ke osep ka isak osep Yuda ina kovok limsak ma ngamete.

Mak 10:33 Iomraidhean Croise

Matyu 16:21

Alo ari Yesus nogrum palongo ila disaipel ma iye la ke Jerusalem e namani elio soulu pula ke osep namormor e osep loulou ina ka omba e osep ka tile itau ke Moses ila sogongon. E ma timter iye ma iye mete e mase ke oklou elku ina ma iye poga tito ke ina denga.

Matyu 26:66

Deka iye pmi osep kaunsil ina langane. “Umawade gute ane lange?” E tikoli tiwai ma iye mete ke ila pelengon soulu.

Matyu 27:2

E tipou limla e tipaur iye la e tikar iye ke gute Pailat ka iye vri mgo ke osep Rom ina ke omur are.

Mak 14:64

Umoklingen ila pelengon soulu lokono ka pes Ida Tapolngon angaine kodong. Aitno lumu lange? Ila elio vri ke iye koke aurou?” Deka osep keniye ka tiklingen Yesus ila pelengon timulu iye e tiwaiki iye mete ine.

Mak 15:1

Kotkotu lokono polou deka lokono osep loulou ina ka omba kap osep ka tile itau ke Moses ila sogongon e osep namormor e osep kaunsil ina tiduni pulu e tilalo pelengon ke elio ka tiwaiki Yesus mete. Tilalo pelengon yagos deka tipou Yesus e tipaur iye la polou ke Pailat bitna. Deka tikar iye ke Pailat.

Mak 8:31

Yesus gosok ila disaipel dau tididi ekreng deka iye nogrum parere isak langane. “Mase ma ngong ka Gute Ka Polou Langka Osep nganamani agegeng bitna bitna osep ma tidue ke ngong. Osep ngongle e osep loulou ina ka omba e osep ka tile itau ke Moses ila sogongon ma tipli ngong. Ma osep tidue burwa ke ngong ma ngamete. E mase oklou eklu mela yagos deka ma ngapoga ngatito ke ngau denga.”

Mak 9:12

Deka Yesus koli wai ke isak langane. “Osep tonari tiwai lokono. Elaija me kere wan keniye kodong deka ngame. Oglou osep tisogo Ida Tapolngon ila pelengon ka la ke Gute Ka Polou Langka Osep. Tisogo ma osep tidue agegeng ke iye e ma tipli iye.

Mak 9:31

Kesua alo ari iye parere ila disaipel e wai ke isak langane. “Ma osep tikar ngong ka Gute Ka Polou Langka Osep ke osep leklou limsak deka ma tidue burwa ke ngong ma ngamete. Ma ngamete e ngadong ke ngau denga la lama oklou eklu mela yagos deka ma ngapoga ngatito ke ngau denga.”

Luk 23:21

E aling aling tidaiku omba langane. “Umenilim iye ke ina akai. Ma iye mete ine.”

Luk 9:22

E iye wai langane. “Ida Tapolngon waiki Gute Ka Polou Langka Osep iye namani elio soulu pula ke osep namormor e osep loulou ina ka omba e osep ka tile itau ke Moses ila sogongon e ma tipli iye. E timter iye ma iye mete deka mase oklou eklu mela yagos ma iye poga tito ke ina denga. E wan are ma polou.”

Jon 18:28

Ke kotkotu lokono osep tidue Yesus ke Kaiafas ila ninu e tipaur iye la ke gute Rom ina ka vri mgo ke omur are ila ninu omba. E tisep ke ninu tonari kovok lama aitno lisak polou amum ke Ida Tapolngon bitna. Tilim lama aitno lisak polou amum e tikaranga tingen rogo omba ka lana ine la ke alo ka Ida Tapolngon lua osep Yuda ina tisongon omur Isip kovok.

Jon 18:32

Oglou Yesus wai ke elio ka iye ma mete ine e wan ane polou ma due Yesus ila pelengon polou lokono.

Jon 19:11

Deka Yesus koli wai ke iye langane. “Langka Ida Tapolngon kar arit ke wom kovok amkaranga omdue elio gesa ke ngong kovok. E ke batne langane gute ka kar ngong ke wom ila elio epmes ina omba e mole lem elio epmes ina.”

Aposel 13:27

Oglou osep ka tidong ke Jerusalem tigosok osep ngongle tile omur ke osep napaprangan ina urok sogongon lana ine kovok. Sabat aling aling tiritim sogongon tonari e tile lana ine kovok. Lama tile ine kovok urok elio ka tisin elio vri ke Yesus didi osep napaprangan ina urok sogongon. Deka sogongon tonari polou lokono.

Aposel 20:22

Eknikane Ano Itau due ngong deka ma ngala ngapolou ke Jerusalem. E ngaile ke elio bitna bitna ka ma tipolou ke ngong kovok.

Jems 5:6

Umomulu osep ka tidue elio itau vala e umodue burwa ke isak. E tikaranga tidangdang umu ine kovok.