Mak 10:24 - Aria New Testament

²⁴ Yesus wai langane deka ila disaipel aitno lisak mter pula ke ila pelengon. Deka iye wai ke isak blang langane. “Dirgu ngawai ke umu langane. Langka osep tiwaiki tisep ke omur ka Ida Tapolngon plaue elio ane opru isak lokono.

Mak 10:24 Iomraidhean Croise

Matyu 19:25

E alo ka ila disaipel tiklingen pelengon tonari tidigrik ine. E tipmi iye langane. “Langka pelengon are lokono gute sei karanga due mosongon ka dong vala dong?”

Mak 1:27

Osep tivati elio tonari deka aitno lisak mter pula ine e tiwai pulu langane. “Ua. Elio ane lange? Gute ane parere ite ke pelengon oku ina ka ila arit dong ine. Iye wai vala deka angelo soulu tini ila pelengon.”

Mak 10:23

Deka Yesus bitna lila ke ila disaipel e wai ke isak langane. “Osep ka urok brokngon pula lokono ma isak opru isak lokono ke elio ka tisep ke omur ka Ida Tapolngon plaue.”

Luk 16:14

Osep Farisi ina isak lana isak ke mani. E alo ka tiklingen Yesus ila pelengon tiwai apok ke iye.

Jon 13:33

Umu ka langka dirgu ma ngadong kap umu dau isuk boto vala. Ma umekrim ke ngong e langka ngawai ke osep Yuda ina ngawai ke umu blang langane. Umakaranga umomo ke omur ka ngala ine kovok.

Jon 21:5

E iye wai ke isak langane. “Lou saten umodue lodu koke aurou?” Deka tikoli tiwai ke iye langane. “Aurou. Imodue lodu kovok.”

Jon 6:60

Alo ka ila disaipel ti-klingen pelengon tonari isak pula tiwai langane. “Pelengon ane opru imi va. Gute sei karanga didie?”

Galesia 4:19

Dirgu. Eknikane blang nganamani omba lokono langka apmang ka namani mimi ngen iye. Umu Ida Tapolngon titno kodong e dau ngawaiki umopolou eriar langka Krais.

1 Timoti 6:17

Ma amwai dagar ke osep ka urok mani pula ke taklak ane ma tikaranga tikakai angainsak kovok. Ma aitno lisak la ke wan ka paide okus langka mani kovok. E ma aitno lisak dagar lokono ke Ida Tapolngon. Kesua iye kar ite wan bitna bitna pula ka due aitno lite neser.

1 Jon 2:1

Lou mimi daudeng. Ngasogo pas ane uti ke umu ma umodue elio epmes ina kovok. E dau langka gute gesa due elio epmes ina gute dong ka loulou ke ite ke Pmada. Iye Yesus Krais ka ila elio itau e osuk.

1 Jon 4:4

Lou mimi daudeng. Umu Ida Tapolngon ila osep e umomole osep napaprangan yakngan ina kodong. Kesua Ano Itau ka dong ke aitno lumu mole ano ka dong ke osep ka taklak ina.

1 Jon 5:21

Lou mimi daudeng ngawai ke umu langane. Umaplau umu itau ke tapolngon yakngan ina.

Pelengon kukwopngon 3:17

E umawai langane. “Limem mani pula e imodong itau e limem wan pula dong kodong.” E umeile omur ke umu tona kovok. Umu langka tokonkon vala e lumu mosongon soulu. E lumu wan kovok e omtomu evin e umu albus umu.