Mak 10:22 - Aria New Testament

²² Gute klingen Yesus ila pelengon deka bitna soulu ine. Deka iye la e aitno kro lokono ke Yesus ila pelengon kesua ila brokngon pula dong.

Mak 10:22 Iomraidhean Croise

Matyu 13:22

E wit londo ka tiduru timunu ke galou marak isak eriar langka gute ka klingen Ida Tapolngon ila pelengon e dau aitno kro ke wan bitna bitna ke mosongon ane e aitno itau ke mani. E elio orwo tonari tikading Ida Tapolngon ila pelengon e pelengon karanga due gute ma iye due elio itau kovok.

Matyu 19:22

E alo ka gute auram klingen Yesus ila pelengon iye la e aitno soulu ine kesua ila brokngon pula lokono.

Matyu 27:3

Alo ka Judas ka lai Yesus ina ile tiwaiki tidue burwa ke Yesus aitno soulu ine e iye la kar mani silva iseklu iding ke osep loulou ina ka omba e osep namormor.

Mak 10:21

Yesus vati gute tonari e iye lana iye ke gute. Deka iye wai langane. “Wan kene dong ka dau pes wom. Amla omdue burong ke lem brokngon keniye. Deka amkar lem brokngon ina mani ke osep ka urok wan isuk boto vala. Omdue langane deka mase ma omdue wan itau lokono ka omur heven ina. E omo emdidi ngong.”

Mak 10:23

Deka Yesus bitna lila ke ila disaipel e wai ke isak langane. “Osep ka urok brokngon pula lokono ma isak opru isak lokono ke elio ka tisep ke omur ka Ida Tapolngon plaue.”

Mak 6:20

Kesua gute Herot due anit ke Jon e iye ile Jon iye gute ka dong itau e osuk ke Ida Tapolngon bitna e ila elio isuk isuk keniye itau vala. Deka iye plau Jon itau lama elio soulu polou ke iye. Alo ka gute Herot klingen Jon ila pelengon aitno mter pula ine. E dau iye waiki klingen Jon ila pelengon.

Mak 6:26

Herot klingen apmang tonari ila pelengon deka aitno soulu ine. Kesua iye wai dagar ke apmang tonari ke osep ka tidong lelei ke iye amtarsak. Deka aitno mter iye karanga dar ila pelengon dagar tonari kovok.

Luk 12:15

Deka iye wai ke osep langane. “Umeile umu itau e umaplau umu itau lama umedidi elio ka umangale osep urok wan. Kesua gute ila mosongon dong itau batne ke ila wan pula pula ka dong kovok. Aurou.”

Luk 18:23

Alo ka gute klingen Yesus ila pelengon aitno soulu ine kesua ila mani pula lokono.

2 Korin 7:10

Alo ka Ida Tapolngon due osep aitno lisak soulu ane due isak ma tibauluk aitno lisak. E ke elio ane Ida Tapolngon lua isak ke urok elio epmes ina e aitno lisak itau ke wan bitna bitna ka tipolou ke isak. E ke osep leklou ka aitno lisak soulu batne ke elio ka taklak ane ina elio ane due metengen polou.

Efesus 5:5

E umeile kodong osep ka tiklou sasarak e urok soboget ma tidong ke omur ka Ida Tapolngon e Krais tiplaue kovok. E osep ka tidue elio soulu bitna bitna e tingale osep leklou urok wan ma tidong ke omur ka Ida Tapolngon e Krais tiplaue kovok. Osep ka tingale wan bitna bitna urok elio eriar langka aitno lisak la ke sapingen gesa ka tiwaiki isak inarak tapolngon.

2 Timoti 4:10

Kesua gute Demas aitno la ke wan bitna bitna ka taklak ina e iye songon ngong kodong e la ke armok Tesalonaika. E gute Kresens la ke provins Galesia e gute Taitus la ke omur Dalmesia.