Mak 10:21 - Aria New Testament

²¹ Yesus vati gute tonari e iye lana iye ke gute. Deka iye wai langane. “Wan kene dong ka dau pes wom. Amla omdue burong ke lem brokngon keniye. Deka amkar lem brokngon ina mani ke osep ka urok wan isuk boto vala. Omdue langane deka mase ma omdue wan itau lokono ka omur heven ina. E omo emdidi ngong.”

Mak 10:21 Iomraidhean Croise

Matyu 16:24

Deka Yesus wai ke ila disaipel langane. “Langka gute waiki didi ngong ma iye pli tarna e didi ngong. Iye due langane e langka osep tidue elio soulu ke iye e iye mete are wan gesa kovok.

Matyu 19:21

E Yesus wai ke iye langane. “Langka amwaiki ompolou itau lokono e omdue mosongon ka dong vala dong amla omdue burong ke lem brokngon e amkar lem mani ke osep ka urok wan isuk boto vala. Omdue langane e ma omdue lem wan itau lokono ka dong ke omur heven deka omo emdidi ngong.”

Mak 10:22

Gute klingen Yesus ila pelengon deka bitna soulu ine. Deka iye la e aitno kro lokono ke Yesus ila pelengon kesua ila brokngon pula dong.

Mak 8:34

Deka Yesus gi osep pula kap ila disaipel ma time tipolou ke iye deka iye wai ke isak langane. “Langka gute gesa waiki didi ngong ma iye pli tarna e didi ngong. Iye due langane e langka osep tidue elio soulu ke iye e iye mete are wan gesa kovok.

Luk 10:42

E dau wan kene vala omba e Maria aitno mter ke wan are. E osep ma tikaranga tipi wan are ke iye kovok.”

Luk 12:33

Umodue burong ke lumu brokngon e umakar mani ke osep ka urok wan isuk boto vala. Deka ma umodue lumu wan itau lokono ka dong ke omur heven e polou yagos kovok. E ke omur heven gute panakongon ina me kovok e kokros ngen wan kovok.

Luk 16:9

Deka ngawai ke umu langane. Alo ka umodong ke taklak umodue elio itau ke lumu mani ka taklak ina ma osep tipolou lumu satan. Umodue langane deka alo ka lumu mani yagos ma Ida Tapolngon due umu umesep umodong ke omur heven dong vala dong.”

Luk 18:22

Yesus klingen ila pelengon deka wai ke iye langane. “Omdue elio kene vala dau kovok. Omdue burong ke lem wan keniye e amkar lem mani ke osep ka urok wan isuk boto vala e wan bitna bitna ka itau lokono ma dong para ke wom ke omur heven. Deka omo emdidi ngong.”

Luk 19:41

Alo ka Yesus polou olwo boto ke Jerusalem e vati armok iye kngis ine.

Luk 9:23

E Yesus wai ke ila disaipel keniye langane. “Langka gute gesa waiki didi ngong ma iye pli tarna e aling aling didi ngong. Iye due langane e langka osep tidue elio soulu ke iye e iye mete are wan gesa kovok.

Jon 12:26

Langka gute due lou bokongon ma iye didi ngong. E lou gute bokongon ina ma dong ke omur ka ngadong ine. Langka gute due lou bokongon ma Livou due anit ke iye.”

Jon 16:33

Ngawai pelengon ane ke umu ma aitno lumu karanga tidong epen batne ke ngong. Ke taklak ane ma umanamani elio soulu e dau aitno lumu tidong dagar kesua ngamole osep ka pula keniye ka tidong ke taklak.”

Aposel 2:45

E osep leklou tidue burong ke urok wan leklou deka tidue urok wan tonari ina mani deka titongo ine e leklou la ke osep ka urok wan isuk boto vala.

2 Korin 12:15

E aitno lungong neser ma ngakar lou wan keniye ke umu e ngakar ngong blang ke umu ma ngalua umu ine. Ngong lana ngong omba ke umu. E lange? Ma umu lana umu sasi boto ke ngong i?

2 Timoti 3:12

Pelengon ane lokono. Osep ka tineklep ke Krais Yesus e tiwaiki tididi Ida Tapolngon ila elio keniye ma osep tidue agegeng ke isak.

Hibru 10:34

E alo ka osep tidue lumu saten tisep ke kalabus deka aitno lumu langka umodong ke kalabus kap isak. E alo ka osep tipi lumu wan deka aitno lumu epen ine kesua umeile lumu wan ka mole wan tonari dong para ke umu ke omur heven.

Jems 2:10

Kesua langka gute gesa didi Ida Tapolngon ila pelengon dagar pula e dau dar pelengon dagar kene ane langka iye dar pelengon dagar keniye.

Pelengon kukwopngon 2:14

“E lou pelengon kene ka uti ke umu langane. Osep leklou ke umu ka tidong ke Pergamum tikis dagar ke gute Balam ila elio. Balam ila elio langane. Ke oglou iye nis gute Balak ke elio ka iye yak osep Israel ina pula ma tigene ke elio epmes ina. Deka Balak due osep Israel ina tingen ongwa ka tidue elio opmu ina ke tapolngon yakngan ine e tidue elio okwa blang.

Pelengon kukwopngon 2:20

“E lama umodue elio itau lou pelengon kene ke umu langane. Umosongon apmang ka angaine Jesebel dong kap umu. Apmang tonari wai langane. ‘Ngong apmang napaprangan ina.’ E iye yak lou osep wokboi nating ke ila parere-ngen e iye nis isak ke elio okwa e ke elio ka tingen ongwa ka tidue elio opmu ina ine ke sapingen leklou.

Pelengon kukwopngon 2:4

“E lou pelengon kene uti ke umu langane. Alo ka aitno lumu ila dagar dau oku deka umu lana umu omba ke ngong. E eknikane umosongon elio ka umu lana umu omba ke ngong.