Mak 10:2 - Aria New Testament

² E ari osep Farisi ina leklou time tipolou ke iye ma titok iye. Deka tipmi iye langane. “Lange? Langka gute gesa dar ila gingen iye dar pelengon dagar ka oglou Moses sogoe koke aurou?”

Mak 10:2 Iomraidhean Croise

Matyu 15:12

Deka ila disaipel time tiwai ke iye langane. “Emile osep Farisi ina tiklingen lem pelengon e aitno lisak soulu ine?”

Matyu 16:1

E Osep Farisi ina e osep Sadyusi ina time ke Yesus e tiwaiki titok iye deka tipmi iye ma iye due nisngen ka omur heven ina.

Matyu 19:3

E osep Farisi ina leklou time ke iye e tiwaiki titok iye e tiwai langane. “Moses ila sogongon songon gute dar ila gingen e pagei ila asap la ke batne bitna bitna?”

Matyu 22:35

E gute kene ke isak ka parere Moses ila sogongon waiki tok iye e pmi iye langane.

Matyu 23:13

“Aisudo. Umu osep ka umeile itau ke Moses ila sogongon e umu osep Farisi ina aitno lumu orwo ke Ida Tapolngon. Umediva ekreng bitna ke omur heven ke osep ka tiwaiki tisepe e dau umu tona umesepe kovok.

Matyu 9:34

E osep Farisi ina tiwai langane. “Iye karanga sapir angelo soulu kesua Satan ka vri mgo ke isak kar iye arit ma iye sapir isak.”

Mak 10:1

Deka Yesus songon omur tonari e la polou ke omur Judia e la ke aki Jordan burla. E osep pula time tiduni pulu ke iye blang. Deka iye didi ila elio e parere isak ke Ida Tapolngon ila pelengon.

Mak 10:3

Deka Yesus koli wai ke urok pmingen langane. “Pelengon dagar ka oglou Moses sogoe e kare ke umu wai lange ine?”

Mak 8:11

Deka ari osep Farisi ina time tipolou ke Yesus e tipara pulu pelengon ke iye deka titok iye e tiwai langane. “Omdue elio arit ina gesa ma imavati kesua imawaiki ma imeile omur langka Ida Tapolngon pagei wom omo koke aurou?”

Mak 8:15

Deka Yesus palongo urok langane. “Umeile umu itau ke osep Farisi ina e gute Herot urok yis e aitno lumu mter itau ine.”

Luk 11:39

E Ida Puda wai ke iye langane. “Umu osep Farisi ina umeris kap e dis dogur itau e aitno lumu bon ke elio ka umawaiki umodue mani pula e elio soulu.

Luk 16:14

Osep Farisi ina isak lana isak ke mani. E alo ka tiklingen Yesus ila pelengon tiwai apok ke iye.

Luk 5:30

E osep Farisi ina e osep ka tile itau ke Moses ila sogongon ka tididi osep Farisi ina tingurngur ke Yesus ila disaipel e tipmi isak langane. “Ina lange umangen e umeinim kap osep ka tidue takis e osep epmes ina?”

Luk 6:7

Osep Farisi ina e osep ka tile itau ke Moses ila sogongon tiwaiki tisin elio vri ke Yesus deka tivati iye ma tile langka iye due gute limla polou itau ke oklou sabat koke aurou.

Luk 7:30

E osep Farisi ina e osep ka tile itau ke Moses ila sogongon tipul dogur ke wan ka Ida Tapolngon waiki tidue kesua isak kla ke Jon ma iye paunim isak kovok.

Jon 11:47

Deka osep loulou ina ka omba e osep Farisi ina tidue osep kaunsil ina tiduni pulu e tiwai ke isak langane. “Ma itodue sua kesua gute are due elio arit ina ka nisngen pula?

Jon 11:57

E osep loulou ina ka omba e osep Farisi ina tiwai dagar ke osep langane. “Langka gute kene ile ke omur ka Yesus dong ine ma iye wai ke imi ine.” Kesua tiwaiki tidue Yesus sep ke kalabus.

Jon 7:32

E osep Farisi ina tiklingen osep tinekeskes pelengon ka la ke Yesus deka isak e osep loulou ina ka omba tipagei osep ka tiplau Ida Tapolngon ila ninu isak kla ma tikis Yesus.

Jon 7:48

Aitno lumu lange? Gute kene ke imi osep kaunsil ina koke osep Farisi ina aitno limi la dagar ke gute are? Aurou.

Jon 8:6

Tipmi Yesus langane ma titok iye ke ila pelengon. Langka iye wai pelengon ka tikaranga tidue e tisin elio vri ke iye batne ke ila pelengon tonari. E Yesus manik duru e limla titno sogo ke taklak ina group.

1 Korin 10:9

E ma itotok Ida Puda langka isak leklou tidue kovok. E mota ka amnga bitna langka mota soulu tingen isak e timete ine.