Mak 10:17 - Aria New Testament

¹⁷ Alo ka Yesus nogrum la ke ila langan gute gesa suong me polou ke iye e grum kamla ke bitna deka wai langane. “Wom gute parerengen ina ka itau ma ngadue sua deka ngadue mosongon ka dong vala dong?”

Mak 10:17 Iomraidhean Croise

Matyu 17:14

Alo ka tipolou ke osep pula pula gute kene me ke Yesus bitna e grum kamla e wai langane.

Matyu 25:34

Deka ma gute ka vri mgo ke omur are wai ke osep ka tidong ke galna odung langane. ‘Umu osep ka Livou due aitno lumu itau itau umomo e umodue omur ka Ida Tapolngon rere ke umu alo ka iye tapol wan ka pula keniye.

Matyu 28:8

Deka tisongon ina denga e isak kla tisuong e aitno lisak nesik e dau tiketir blang. E tisuong ma tipalongo ila disaipel ine.

Mak 1:40

Oklou kene gute gesa ka paiangan lepra due me polou ke Yesus bitna deka grum kamla duru ke taklak e wai langane. “Langka amwaiki omlua ngong ke ngau paiangan ngaile amkaranga omdue.”

Mak 10:18

Iye wai langane deka Yesus pmi iye langane. “Ina lange emsir ngong gute parerengen ina ka itau? Kesua Ida Tapolngon vala iye itau.

Mak 12:14

Deka time tipolou ke Yesus e tiwai ke iye langane. “Gute parerengen ina imeile omur amwai lokono vala. Imeile omur omdue elio kene vala ke osep ka pula keniye lama angainsak omba koke angainsak omba kovok. E omdue anit ke osep batne angainsak omba langane kovok. E amwai lokono vala deka amparere osep itau ke Ida Tapolngon ila pelengon dagar. Deka imepmi wom langane. Langka imekli takis ke Sisar imadar Ida Tapolngon ila pelengon dagar koke aurou? Lange? Ma imekli takis koke aurou?”

Mak 9:25

Mimi tonari timla wai langane deka Yesus vati osep pula pula tisuong tipolou ke iye. Deka iye wai dagar ke angelo soulu langane. “Wom angelo soulu ka omdue mimi ane ma iye wai kovok e klingen pelengon kovok ngawai ke wom langane. Ompolou ke mimi ane e amkaranga ambauluk omdong ke iye blang kovok.”

Luk 10:25

Mase gute kene ka ile itau ke Moses ila sogongon tito vri ma iye tok Yesus e pmi iye langane. “Gute parerengen ina ma ngadue sua ma ngadue lou mosongon ka dong vala dong?”

Jon 3:2

Iye la polou ke Yesus ke epmes gesa e wai ke iye langane. “Rabai imeile wom gute parerengen ina ka me ke Ida Tapolngon. Ngawai langane kesua langka Ida Tapolngon dong kap wom kovok amkaranga omdue elio arit ina ka nisngen ka omdue kovok.”

Jon 5:39

Umanana dagar ke Ida Tapolngon ila pelengon kesua aitno lumu mter ila pelengon karanga nis umu ke ekreng ka kar lumu mosongon ka dong vala dong ke umu. E aurou. Pelengon tonari palongo lumu ke ngong.

Jon 6:40

E Livou aitno langane. Osep seisei ka tivati Otno Arang e aitno lisak la dagar ke iye ma tidue urok mosongon ka dong vala dong. E ma ngadue isak titito e tidong blang ke oklou ka Ida Tapolngon wade osep ka pula keniye urok elio ine.”

Aposel 16:30

Deka iye due isak tipolou kla ke dogur e pmi isak langane. “Osep. Ngadue sua ma Ida Tapolngon lua ngong ke lou elio epmes ina?”

Aposel 2:37

Osep pula tiklingen Pita ila pelengon deka aitno lisak kro lokono ine. Deka tipmi Pita gosok aposel leklou langane. “Sipmi. Eknikane imousine kesua limem elio epmes ina vri ke imi?”

Aposel 20:32

“E eknikane ngawai ke umu langane. Ida Tapolngon kis umu dagar e kere umu itau. E ila pelengon ka didi ila makaingan karanga due umu umodong dagar lokono e ma iye lua umu ke ila kerengen langka iye lua osep keniye ka iye rere isak ila osep.

Aposel 9:6

Emtito amla emsep ke Damaskus deka ma gute gesa palongo lem ke elio ka ma omdue.”

Pas ka Pol sogoe uti la ke osep Rom ina 2:7

E osep ka tidong dagar ke elio itau tiwaiki ma Ida Tapolngon kar isak urok mosongon ka itau lokono ka dong vala dong. Tiwaiki ma tidong kap iye e ma iye kakai angainsak. E ma Ida Tapolngon due osep urok mosongon itau lokono dong vala dong.

Pas ka Pol sogoe uti la ke osep Rom ina 6:23

E osep ka tidue elio epmes ina bitna bitna ma timete ine. Kesua elio epmes ina ina klingen metengen. E ite ka Ida Tapolngon klok udo elio epmes ina kodong iye kar ite mosongon ka itau ka dong vala dong. Iye lua ite batne ke Ida Puda Yesus Krais dong e itokoli batne la ine kovok.

Efesus 1:18

Ngapmi Ida Tapolngon ma iye lua umu ma umeile omur ke pelengon lokono ka ila poloungon batne ke iye. Ma umeile omur ke wan bitna bitna keniye ka Ida Tapolngon waiki kere ila osep ine e itapara ine.

Taitus 3:7

Ida Tapolngon makai ite e due ite itopolou itau lokono ke bitna. Ke elio langane iye rere ite ma itodong ke udo mosongon ka oku ina aling aling. E itodong itapara ke udo mosongon ka dong vala dong.

Hibru 1:14

E langane. Ida Tapolngon ila ensel isak ansak ka tidue ila bokongon. Iye pagei isak ma tilua osep ka Ida Tapolngon waiki lua isak ke urok elio epmes ina.

1 Pita 1:4

E itapara ke kerengen itau ka Ida Tapolngon due dong para ke ila osep. Kerengen tonari dong ke omur heven e karanga polou okus koke polou soulu koke polou yagos kovok. Aurou.

1 Jon 2:25

E Krais wai promis kodong ma iye kar mosongon ka dong vala dong ke ite.