Mak 10:14 - Aria New Testament

¹⁴ E alo ka Yesus vati elio ka ila disaipel tidue aitno engil ine. Deka iye wai ke isak langane. “Umosongon osep ka tipaur titorok tiwaiki time tipolou ke ngong e umadangdang isak ine sakam. Kesua osep ka tidong ke omur ka Ida Tapolngon plaue tidong eriar langka agau ane.

Mak 10:14 Iomraidhean Croise

Matyu 18:10

“Deka aitno lumu mter soulu ke agau daudeng langane kovok. Kesua urok ensel dong ka aling aling tidong ke Livou ka dong ke omur heven bitna.

Matyu 18:4

Gute sei ka pes iye tona langka agau ane iye mgo ke omur heven ka Ida Tapolngon plaue.

Matyu 19:14

E Yesus wai ke isak langane. “Umosongon agau time ke ngong e umadangdang isak kovok kesua omur heven ka Ida Tapolngon plaue urok omur.”

Matyu 5:10

“Osep ka osep leklou tidue agegeng ke isak kesua tididi elio itau vala ke Ida Tapolngon bitna aitno lisak itau itau kesua omur heven ka Ida Tapolngon plaue urok omur.

Matyu 5:3

“Osep ka urok wan ka aitno lisak ila dagar ina isuk boto vala aitno lisak itau itau kesua wan ka omur heven ka Ida Tapolngon plaue ma polou urok wan.

Mak 3:5

Deka Yesus bitna lila ngen isak e aitno engil ke isak. Aitno kro ke isak kesua isak kensak kensak tipono aitno lisak ke elio itau. Deka iye wai ke gute tonari langane. “Omkotok livep.” Gute tonari klingen ila pelengon deka kotok limla la deka lokono limla polou itau.

Mak 8:33

Yesus klingen Pita ila pelengon deka iye bauluk e bitna la ke ila disaipel. Deka iye iluk Pita langane. “Satan amla ke dogur lungong. Emdidi Ida Tapolngon aitno kovok e emdidi osep aitno lisak vala.”

Jon 3:3

E Yesus koli wai langane. “Ngawai lokono ke wom. Langka gute polou oku langka mimi edimor kovok iye karanga dong ke omur ka Ida Tapolngon plaue kovok.”

Jon 3:5

E Yesus koli wai langane. “Ngawai ke wom lokono langane. Langka gute polou oku ke aki e ke Ano Itau kovok iye karanga sep ke omur ka Ida Tapolngon plaue kovok.

Aposel 2:39

Oglou Ida Tapolngon wai dagar ma iye pagei Ano Itau ke umu e wai Ano Itau karanga ke umu ka pula keniye e titopmu ka pula keniye e karanga ke osep ka pula keniye ka tidong ke omur ka pula keniye. E karanga ke osep keniye ka Ida Puda ka Ida Tapolngon mter aitno lisak ine.”

Aposel 3:25

Umu ka osep Yuda ina umodue wan bitna bitna ke lumu seia ka tidong oglou ka isak Ida Tapolngon ila osep napaprangan ina. Oglou Ida Tapolngon wai ila promis ke lumu eia Abraham. Iye wai langane. ‘Ma ngadue elio itau ke osep ka pula keniye batne lem napakngan kene ka ma me.’ Pelengon ka la ke Abraham pakes duru me ke umu blang.

Pas ka Pol sogoe uti la ke osep Rom ina 11:16

Pelengon ano gesa langane. Langka osep tidue bret emkil e tikare ke Ida Tapolngon ma ila wan io ke elio tonari bret anino ka emkil polou ine Ida Tapolngon ila wan blang. Silang blang langane. Langka akai gitno Ida Tapolngon ila wan io akai tonari tetna Ida Tapolngon ila wan blang.

Pas ka Pol sogoe uti la ke osep Rom ina 11:28

Osep Israel ina tipul dogur ke Ida Tapolngon ila omon itau deka tidong langka Ida Tapolngon ina oul. Deka elio tonari lua umu ka osep Yuda ina kovok. E silang blang langane. Ke oglou kodong Ida Tapolngon rere isak ila osep e aitno itau lokono ke isak. E aitno la ke urok seia deka iye due langane.

1 Korin 14:20

Sipmi. Aitno lumu mter ke elio pula langka agau aitno lisak mter ine kovok. E ke aitno lumu umodong langka osep ngongle. E umodong langka agau aren aren ke elio bitna bitna ka soulu.

1 Korin 7:14

Umeile langka gute ka aitno dagar ke Yesus kovok e neklep ke ila asap ke elio langane ma gute langka iye dong olwo boto ke Ida Tapolngon. Langka apmang ka aitno dagar ke Yesus kovok e neklep ke ila boget ke elio ka langane ma apmang langka iye dong olwo boto ke Ida Tapolngon. Langka aurou ane ma langka titorok tidong itau ke Ida Tapolngon bitna kovok. E eknikane tidong olwo boto ke Ida Tapolngon.

Efesus 4:26

Langka aitno lumu engil ke gute gesa umeile umu itau lama umodue elio epmes ina blang. E umosongon aitno lumu dau dong engil ke iye alo ka oklou duru kovok.

2 Timoti 1:5

Ngaile omur aitno lugom dagar ke Yesus e aitno lugom orwo ine kovok. Aitno lugom dagar ke Yesus eriar langka lem apa Lois e aiya Yunis.

2 Timoti 3:15

E alo ka wom dau agau osep tiparere wom ke Ida Tapolngon ila pelengon ka oglou osep napaprangan ina tisogoe. Pelengon tonari parere wom ke elio ka Ida Tapolngon ma lua wom ke lem elio epmes ina. Ida Tapolngon lua wom alo ka aitno lugom la dagar ke Krais Yesus.

1 Pita 2:2

Langka mimi oku aling aling tiwaiki tinim sisu vala ngawaiki aitno lumu la ke Ida Tapolngon ila pelengon vala. E ila pelengon itau e wan sasi dong ine kovok. E pelengon tonari karanga lua umu ma umopolou ngongle ke aitno lumu ila dagar.

Pelengon kukwopngon 14:5

Tiyakyak kovok e tidong itau deka elio gesa vri ke isak kovok.