Mak 10:1 - Aria New Testament

¹ Deka Yesus songon omur tonari e la polou ke omur Judia e la ke aki Jordan burla. E osep pula time tiduni pulu ke iye blang. Deka iye didi ila elio e parere isak ke Ida Tapolngon ila pelengon.

Mak 10:1 Iomraidhean Croise

Matyu 26:55

Deka Yesus wai ke osep pula are langane. “Ina lange umomo e umakalke elil omba e akai ma umodue ngong langka ngong gute panakongon ina ka soulu? Oklou kene kene ngadong ke omur ka lelei Ida Tapolngon ila ninu e ngaparere umu e umekis ngong are kovok.

Matyu 4:23

E Yesus lila lelei ke omur Galili e parere osep Yuda ina ke urok duningen ina ninu. Iye napapra omon itau ka la ke omur ka Ida Tapolngon plaue. E iye due osep ka tipaia ke paiangan bitna bitna e osep ka pampamu lisak soulu tipolou itau blang.

Mak 1:21

Isak kla e mase tipolou ke armok Kaperneam e tidong ine. Deka ke oklou sabat Yesus la sep ke osep Yuda ina urok duningen ina ninu e parere osep ke Ida Tapolngon ila pelengon.

Mak 10:2

E ari osep Farisi ina leklou time tipolou ke iye ma titok iye. Deka tipmi iye langane. “Lange? Langka gute gesa dar ila gingen iye dar pelengon dagar ka oglou Moses sogoe koke aurou?”

Mak 12:35

Yesus dong ke omur ka lelei Ida Tapolngon ila ninu e parere osep ka tidong are langane. “Ina lange osep parerengen ina tiwai gute Krais ka Ida Tapolngon rere ma iye lua osep iye Devit ila napakngan gesa?

Mak 14:49

Oklou keniye ngadong ke omur ka lelei Ida Tapolngon ila ninu e ngaparere umu deka ari umekis ngong kovok. E elio ane ka umodue ke ngong polou ma Ida Tapolngon ila pelengon ka oglou osep napaprangan ina tisogo ine polou lokono.”

Mak 2:13

Elio tonari yagos deka Yesus lila la ke elim Galili ina dingen batne blang. E osep pula time tiduni pulu kap iye deka iye parere isak ke Ida Tapolngon ila pelengon.

Mak 4:2

Deka Yesus parere isak ke pelengon ano pula e wai ke isak langane.

Mak 6:2

Tidong ine la lama oklou sabat polou deka Yesus la sep ke urok duningen ina ninu e parere osep ka tidong ine. Deka osep ka tiklingen ila parerengen ansak nesik e tingelek ine. E tiwai pulu ine langane. “Sei kar pelengon ke gute ane ka iye parere ite ine? Iye due ila ilengen ge? Sei kar ila arit ke iye deka iye due elio arit ina?

Mak 6:34

Alo ka Yesus gosok sisrok tipolou ke burla Yesus vati osep pula ka tidong tipara ke iye. Iye vati isak deka aitno kro ke isak kesua iye vati isak tidong langka sipsip ka inarak plaungan dong kap isak kovok. Deka iye nogrum parere isak ke pelengon pula.

Mak 6:6

Iye vati urok elio tonari deka aitno mter pula ine. Kesua osep tonari aitno lisak dagar ke iye kovok. Deka iye lila la ke armok pula vala e parere osep pula.

Jon 10:40

Deka iye iding la ke aki Jordan burla ke omur ka oglou Jon nogrum paunim osep ine e iye dong are.

Jon 11:7

Deka mase iye wai ke ila disaipel langane. “Ma iteiding itala ke omur Judia.”

Jon 18:20

Deka Yesus koli wai langane. “Ngawai malak ke osep pula amtarsak. Ngawai ke osep Yuda ina urok duningen ina ninu e ke omur ka lelei Ida Tapolngon ila ninu ke omur ka osep tiduni pulu ine. E ngakukwop lou pelengon kovok.