Mak 1:45 - Aria New Testament

⁴⁵ E gute tonari lila la deka palongo osep pula ine. Iye due elio langane deka Yesus karanga lila ke armok pula kovok lama osep tivati iye deka tididi iye. Deka iye la dong ke omur ka dong adai vala. E osep ka tidong ke omur pula isak dau time tipolou ke iye.

Mak 1:45 Iomraidhean Croise

Matyu 28:15

Deka osep ola ina tidue mani tonari e tidue eriar langka osep tiwai ine. E basikngen ane kes lila ke osep Yuda ina la lama oku ane iye dau dong.

Matyu 9:26

E omon ke elio are kes lila ke omur are.

Matyu 9:31

E isak kla e tipalongo osep ka pula keniye ke omur tonari ke wan ka Yesus due ke isak.

Mak 2:13

Elio tonari yagos deka Yesus lila la ke elim Galili ina dingen batne blang. E osep pula time tiduni pulu kap iye deka iye parere isak ke Ida Tapolngon ila pelengon.

Mak 3:20

Yesus rere osep songotno orwo yagos deka iye songon gigri tonari e duru polou ke ninu gesa deka iye sepe e dong ine. E osep pula tididi iye e tipolou ke iye blang. Deka Yesus lua osep vala e iye gosok ila disaipel tikaranga timtong ma tingen inarak ngangon kovok.

Mak 3:7

Mase Yesus gosok ila disaipel isak kla ke elim Galili. Deka osep pula ka tidong ke omur Galili tididi iye e time tipolou ke iye. E osep ka omur Judia ina time tipolou ke iye blang.

Mak 7:36

Deka Yesus kar pelengon ke osep tonari ma tiwai ke osep leklou ke elio tonari kovok. Iye kar pelengon pula ke isak langane e isak arit isak ke elio ka tipalongo osep pula ine vala.

Jon 6:2

E osep pula pula tididi iye kesua tivati elio arit ina ka nisngen ka iye due alo ka iye due osep ka tipaia tipolou itau blang.

Taitus 1:10

Emrere osep ka tiplau sios kene kene ke aidunu Krit itau. Kesua Ida Tapolngon ila osep pula ke omur ari urok aiding langka tipul ila pelengon. Tiwai pelengon bitna bitna ka adai e tiyakyak osep ine. Osep leklou tonari urok osua osep Yuda ina. E tiwaiki osep tididi inarak apu langka elio ulangngan ina.