Mak 1:35 - Aria New Testament

³⁵ Epmes polou e Yesus munu kudung ke ninu tonari la lama kotkotu lokono deka iye tipa e songon ninu. Deka iye la polou ke omur ka dong adai vala e dong ine e wai itau ke Ida Tapolngon.

Mak 1:35 Iomraidhean Croise

Matyu 14:13

Alo ka Yesus klingen omon ke Jon ina metengen iye sep ke bot e la ke omur ka dong adai vala ma iye kene vala dong are. E alo ka osep tiklingen ine tisongon armok armok e tilila tididi iye.

Matyu 14:23

Iye pagei osep kla kodong deka iye kene tito ke gigri ma iye wai itau ke Ida Tapolngon. Epmes polou e iye kene vala dong ke gigri.

Mak 1:36

Mase Saimon gosok sisrok isak kla ke omur tonari e tikrim iye.

Luk 5:16

E aling pula Yesus kene vala songon osep e la ke omur ka osep tidong ine kovok ma iye wai itau ke Ida Tapolngon.

Luk 6:12

Alo ari Yesus tito ke gigri gesa ma iye wai itau ke Ida Tapolngon e iye wai epmes la iding ke kotkotu.

Jon 4:34

E Yesus wai ke isak langane. “Ngau ngangon langka ngadidi gute ka pagei ngong ngame aitno e ngababrum bokongon ka iye kare ke ngong ma ngadue.

Jon 6:15

E Yesus ile tiwaiki tikis iye e tidue iye gute ka vri mgo ke isak deka iye songon isak e iye tona vala la iding ke gigri.

Efesus 6:18

Alo ka Ano Itau due aitno lumu e waiki umawai itau ke Ida Tapolngon ma iye lua umu ke lumu elio isuk isuk deka umawai itau ke iye. E oklou aling aling umeile umu itau e umawai itau ke Ida Tapolngon e umosongon elio ane kovok. E silang blang langane. Umawai itau ke Ida Tapolngon ma iye lua ila osep ke urok mosongon.

Filipai 2:5

Ngawaiki ma aitno lumu mter langka Krais Yesus aitno mter.

Hibru 5:7

Alo ka Yesus dau dong ke taklak aling aling iye wai itau ke Ida Tapolngon e pmi iye ke wan bitna bitna. Iye daiku ke Ida Tapolngon e kngis kesua iye ile Ida Tapolngon karanga lua iye ma iye mete kovok. E Ida Tapolngon klingen ila pelengon e koli ila pmingen itau kesua iye due anit ke iye e ini iye.