Mak 1:32 - Aria New Testament

³² Kirui alo ka oklou duru Yesus dau dong ke ninu tonari. E osep tipaur osep pula ka tipaia e osep ka angelo soulu dong ke isak time tipolou ke iye ma iye lua isak ke inarak paiangan.

Mak 1:32 Iomraidhean Croise

Matyu 4:24

E omon ke wan ka Yesus due la ke provins Siria ka pula keniye. E osep tikalke osep ka wan sasi due isak ke iye. Langka osep ka paiangan bitna bitna due isak e osep ka tarna lisak doro doro e osep ka angelo soulu due isak e osep ka tipaia e tigene e tinakarkar adai e osep ka kamsak e limsak timete. E Yesus due osep tonari tipolou itau blang.

Matyu 8:16

Ke kirui osep tipaur osep pula ka angelo soulu dong ke isak ke Yesus e iye wai vala e sapir angelo soulu ke osep tonari. E iye due osep ka tipaia tipolou itau blang.

Matyu 8:17

Iye due langane ma pelengon ka gute napaprangan ina Aisaia wai ine polou lokono. Iye wai langane. “Iye due udo paiangan yagos e due ite itopolou itau blang.”

Mak 1:21

Isak kla e mase tipolou ke armok Kaperneam e tidong ine. Deka ke oklou sabat Yesus la sep ke osep Yuda ina urok duningen ina ninu e parere osep ke Ida Tapolngon ila pelengon.

Mak 1:31

Deka iye la polou ke apmang tonari e kis limla deka lokono ina paiangan ka tarna engil yagos. Deka apmang tonari tipa e la kere isak ke inarak ngangon.

Mak 3:2

Osep Farisi ina leklou tidong ke duningen ina ninu blang. E amtarsak kis dagar ke Yesus ma tivati langka iye lua gute ka limla mete ke oklou sabat koke aurou? Tidue langane kesua langka iye lua gute ka limla mete ke oklou sabat ma tisin elio vri ke iye.

Luk 4:40

Alo ka oklou duru e olwo boto ke epmes osep tipaur osep ka tidong ke urok osua ka paiangan bitna bitna due isak time ke Yesus. E iye kai isak kene kene ke limla deka tipolou itau.

Luk 4:41

E silang angelo soulu tisongon osep pula e tidaiku langane. “Wom Ida Tapolngon Otno Arang.” E Yesus wai dagar ke isak e dangdang isak ma tiwai kovok kesua tile iye gute Krais ka Ida Tapolngon rere ma iye lua osep ke urok elio epmes ina.