Mak 1:23 - Aria New Testament

²³ Iye dau dong parere isak deka gute ka angelo soulu dong ke aitno daiku langane.

Mak 1:23 Iomraidhean Croise

Matyu 12:43

“Langka angelo soulu so-ngon gute gesa iye la ke omur ka aki dong ine kovok e krim omur ka iye munu ine e iye pado omur tonari kovok.

Mak 1:22

Osep tiklingen ila parerengen deka ansak nesik omba ine. Kesua iye didi ila arit e parere osep ke pelengon tonari. E iye wai adai eriar langka osep ka isak urok parerengen ina tidue kovok.

Mak 1:24

“Yesus ka Nasaret ina wom lange wom ka omo omdong are? Omo ma ampaiavu imi? Ngaile omur ke wom. Wom Ida Tapolngon Otno Arang itau ka iye pagei wom omo.”

Mak 1:29

Deka Yesus gosok osep leklou tisongon duningen ina ninu tonari e isak kla tipolou ke Saimon orwo ina tovro Andru urok ninu deka tisepe. E ari Jems e Jon isak kla kap isak blang.

Mak 1:34

Deka ari Yesus lua osep pula ke inarak paiangan bitna bitna. Iye sik angelo soulu ka tidong ke osep deka isak kla. Angelo soulu tonari tile omur iye gute sei deka iye dangdang isak ma tiwai kovok.

Mak 1:39

Deka Yesus lila ke armok pula ka tidong ke omur Galili. E iye sep ke urok duningen ina ninu e napapra Ida Tapolngon ila pelengon ke isak. E iye sik angelo soulu pula ka tidong ke osep.

Mak 5:2

E alo ka Yesus songon bot lokono gute gesa ka angelo soulu dong ke iye me polou ke iye. Iye songon omur ka denga tidong ine ka oklou aling aling iye dong ine e me polou ke Yesus.

Mak 7:25

Lokono apmang gesa ka angelo soulu dong ke otopmang klingen omon ke omur ka iye dong ine. Deka iye me polou ke iye e grum kamla duru ke taklak ke Yesus bitna.

Mak 9:25

Mimi tonari timla wai langane deka Yesus vati osep pula pula tisuong tipolou ke iye. Deka iye wai dagar ke angelo soulu langane. “Wom angelo soulu ka omdue mimi ane ma iye wai kovok e klingen pelengon kovok ngawai ke wom langane. Ompolou ke mimi ane e amkaranga ambauluk omdong ke iye blang kovok.”