Mak 1:21 - Aria New Testament

²¹ Isak kla e mase tipolou ke armok Kaperneam e tidong ine. Deka ke oklou sabat Yesus la sep ke osep Yuda ina urok duningen ina ninu e parere osep ke Ida Tapolngon ila pelengon.

Mak 1:21 Iomraidhean Croise

Matyu 4:13

Iye songon Nasaret e polou ke armok Kaperneam. Kaperneam dong olwo boto ke misuon ke omur Sebulun e omur Naptali.

Matyu 4:23

E Yesus lila lelei ke omur Galili e parere osep Yuda ina ke urok duningen ina ninu. Iye napapra omon itau ka la ke omur ka Ida Tapolngon plaue. E iye due osep ka tipaia ke paiangan bitna bitna e osep ka pampamu lisak soulu tipolou itau blang.

Mak 1:20

Deka lokono Yesus gi ke isak langane. “Umomo umedidi ngong.” Tiklingen ila pelengon deka lokono tisongon pmarak e osep ka tiboko ke pmarak ka tidong ke bot tonari deka tididi Yesus e tigosok iye kla.

Mak 1:29

Deka Yesus gosok osep leklou tisongon duningen ina ninu tonari e isak kla tipolou ke Saimon orwo ina tovro Andru urok ninu deka tisepe. E ari Jems e Jon isak kla kap isak blang.

Mak 1:33

E osep matamur pula time tiduni pulu ke ninu tonari ina ekreng bitna.

Mak 1:39

Deka Yesus lila ke armok pula ka tidong ke omur Galili. E iye sep ke urok duningen ina ninu e napapra Ida Tapolngon ila pelengon ke isak. E iye sik angelo soulu pula ka tidong ke osep.

Mak 10:1

Deka Yesus songon omur tonari e la polou ke omur Judia e la ke aki Jordan burla. E osep pula time tiduni pulu ke iye blang. Deka iye didi ila elio e parere isak ke Ida Tapolngon ila pelengon.

Mak 2:1

Oklou leklou mela yagos deka Yesus bauluk ke armok Kaperneam blang e dong ke ninu gesa. E ari osep matamur tiklingen omon ka iye bauluk blang.

Mak 3:1

Mase ke oklou sabat gesa Yesus la sep ke osep Yuda ina urok duningen ina ninu. E ari gute gesa ka limla kene mete dong ke duningen ina ninu blang.

Mak 6:2

Tidong ine la lama oklou sabat polou deka Yesus la sep ke urok duningen ina ninu e parere osep ka tidong ine. Deka osep ka tiklingen ila parerengen ansak nesik e tingelek ine. E tiwai pulu ine langane. “Sei kar pelengon ke gute ane ka iye parere ite ine? Iye due ila ilengen ge? Sei kar ila arit ke iye deka iye due elio arit ina?

Luk 10:15

E umu osep Kaperneam ina aitno lumu mter osep ma tidue anit ke umu ke omur heven i? E aurou. Ma umoduru ke omur hel.”

Luk 13:10

Ke oklou sabat gesa Yesus dong ke duningen ina ninu e parere osep.

Luk 4:16

Mase iye la ke ila armok batne Nasaret e ke oklou sabat iye sep ke duningen ina ninu langka ila aiding. Iye sep deka tito vri ma iye ritim Ida Tapolngon ila pelengon.

Luk 4:23

Deka Yesus wai ke isak langane. “Aitno lungong langka ma umawai pelengon langane ke ngong. ‘Dokta omlua wom tona.’ Omdue elio ke lem armok batne ane langka imeklingen omdue ke armok Kaperneam.”

Aposel 17:2

Ari Pol didi ila elio ka iye napapra ke osep Yuda ina mgo e la sep ke urok duningen ina ninu. Iye sep ke duningen ina ninu ke sabat eklu e ke sabat kene kene iye ritim Ida Tapolngon ila pelengon e osep tiklingen ke iye. Deka ari iye gosok osep timter pelengon tonari pulu.

Aposel 18:4

Ari sabat kene kene Pol la sep ke osep Yuda ina urok duningen ina ninu e wai kap osep. Iye wai pula ke Ida Tapolngon ila pelengon kesua iye waiki osep Yuda ina e osep Grik ina ka tiklingen ila pelengon aitno lisak la dagar ine.