Mak 1:19 - Aria New Testament

¹⁹ Yesus gosok osep orwo tonari isak kla isuk boto deka tipolou ke Sebedi gosok titno arang orwo ka angainsak Jems e Jon. Isak orwo tidong ke urok bot e timosi urok omdu.

Mak 1:19 Iomraidhean Croise

Matyu 4:21

Yesus lila la e iye vati osep leklou. Gute Sebedi kap titno Jems e Jon. Tidong ke bot kap pmarak Sebedi e timosi urok omdu lodu ina. E Yesus gi ke isak.

Mak 1:18

Isak orwo tiklingen Yesus ila pelengon deka lokono tisongon urok omdu e tididi iye.

Mak 1:20

Deka lokono Yesus gi ke isak langane. “Umomo umedidi ngong.” Tiklingen ila pelengon deka lokono tisongon pmarak e osep ka tiboko ke pmarak ka tidong ke bot tonari deka tididi Yesus e tigosok iye kla.

Mak 10:35

Deka Sebedi titno arang orwo Jems e Jon time tipolou ke Yesus e tiwai langane. “Ipem parerengen imawaiki ma emdidi aitno limi ke elio gesa ka imawaiki imepmi wom ine.”

Mak 14:33

Deka iye due Pita e Jems e Jon deka isak kla kap iye. Deka aitno soulu e aitno kro lokono.

Mak 3:17

E Sebedi titno arang Jems e Jon ka iye baski angainsak Boanerges. Boanerges lana ine osep ka aitno lisak nevlik.

Mak 5:37

Deka Yesus dangdang osep pula ma tididi iye kovok. E iye songon Pita e Jems e Jon ka Jems ina aiver ma isak kla kap iye.

Mak 9:2

Oklou epmes lumakene mela yagos deka Yesus paur Pita e Jems e Jon titito kla ke gigri ka apna dong egim e isak vala tidong ine. Deka Yesus napak vri ke osep eklu tonari amtarsak.

Jon 21:2

Saimon Pita dong kap Tomas ka angaine silang Didimus e Nataniel ka ila armok batne Kana ka dong ke omur Galili e Sebedi titno arang orwo e Yesus ila disaipel orwo silang.

Aposel 1:13

Osep aposel tipolou ke Jerusalem deka tidong ke ninu gesa ina eliang ka dong egim. Tidong ine deka tiwai itau ke Ida Tapolngon oklou aling aling kesua aitno lisak kene ke iye. Osep ka tidong ine angainsak langane. Pita e Jon e Jems e Andru e Filip e Tomas e Bartolomyu e Matyu e Alfius otno arang Jems e Saimon ka Selot ina deka Jems silang blang otno arang Judas. E Yesus tna Maria e ina saiver tigosok apmang leklou blang tidong kap osep tonari.

Aposel 12:2

Deka iye wai ke osep ola ina langane. “Umodue elil omba e umoblou Jon ina tovro Jems agune kopuk la ma iye mete.”