Mak 1:14 - Aria New Testament

¹⁴ Alo ka osep tidue Jon la sep ke kalabus deka ari Yesus polou ke omur Galili e napapra Ida Tapolngon ila omon itau lokono ke osep.

Mak 1:14 Iomraidhean Croise

Matyu 11:2

Alo ari Jon dong ke kalabus e iye klingen omon ke wan ka Krais due deka iye pagei ila disaipel leklou kla ke Yesus.

Matyu 14:2

E iye wai ke ila osep bokongon ina langane. “Gute ane iye Jon ka paunim osep e iye poga tito ke ina denga. E ke batne langane iye due arit e karanga due elio arit ina.”

Matyu 4:12

Mase iye klingen omon osep tidue Jon sep ke kalabus deka iye songon omur are e la ke omur Galili.

Matyu 4:17

Alo ari Yesus nogrum e napapra langane. “Umabauluk aitno lumu ke lumu elio epmes ina kesua omur ka Ida Tapolngon plaue isuk boto polou.”

Matyu 4:23

E Yesus lila lelei ke omur Galili e parere osep Yuda ina ke urok duningen ina ninu. Iye napapra omon itau ka la ke omur ka Ida Tapolngon plaue. E iye due osep ka tipaia ke paiangan bitna bitna e osep ka pampamu lisak soulu tipolou itau blang.

Matyu 9:35

Yesus la ke armok omba e armok daudeng keniye ke omur Israel. Iye parere isak ke urok duningen ina ninu e napapra omon itau ka la ke omur ka Ida Tapolngon plaue. E iye due osep keniye ka paiangan bitna bitna tidue isak e ka pampamu lisak soulu tipolou itau blang.

Luk 3:20

Deka Herot due elio soulu silang langane. Iye due Jon sep ke kalabus.

Luk 8:1

Mase sasi boto Yesus lila la ke armok omba e armok daudeng e iye napapra omon itau ka la ke omur ka Ida Tapolngon plaue. E ila disaipel songotno orwo isak kla kap iye.

Aposel 20:25

“Oglou nganapapra ke umu ke alo ka Ida Tapolngon ma plau osep ka pula keniye. E eknikane ngaile ma umu keniye umavati ngong aling kene blang kovok.

Aposel 28:23

E tirere oklou gesa ma tiduni pulu kap Pol ma tiklingen ila pelengon. E ke oklou tonari osep pula time tiduni pulu ke ninu ka Pol dong ine. E ke kotkotu la iding ke epmes Pol parere isak. Iye palongo urok ke alo ka Ida Tapolngon ma plau omur ka pula keniye. Iye parere isak ke Moses ila sogongon e osep napaprangan ina urok sogongon ka la ke Yesus. E iye kere sogongon tonari ma tile omur ke lana ine.

Pas ka Pol sogoe uti la ke osep Rom ina 1:1

Ngong Pol ka Yesus Krais ila gute bokongon ina gesa ngasogo pas ane. Oglou Ida Tapolngon rere ngong ila aposel gesa. Iye rere ngong ma ngapaur ila omon itau ke osep pula.

Efesus 2:17

E langane. Alo ka Krais me polou ke ite iye napapra Ida Tapolngon ila omon itau e iye napapra ke elio ka aitno lite epen pulu. Iye due langane ke osep Yuda ina ka tidong olwo boto ke iye. E ke osep ka isak osep Yuda ina kovok ka tidong mawa ke iye blang.