Jems 5:16 - Aria New Testament

¹⁶ E umawai malak pulu ke lumu elio epmes ina e umawai itau ke Ida Tapolngon ke lumu saten. Umodue langane deka Ida Tapolngon ma lua umu e due umu ka umapaia umopolou itau blang. Langka gute gesa ka dong itau e osuk ke Ida Tapolngon bitna wai itau ma Ida Tapolngon koli ila pmingen e lua iye ke wan ka iye pmi ine.

Jems 5:16 Iomraidhean Croise

Matyu 21:22

Langka aitno lumu dagar ke Ida Tapolngon alo ka umawai itau ke iye ma umodue wan ka umepmi iye ine.”

Matyu 3:6

E tiwai malak ke urok elio epmes ina deka iye paunim isak ke aki Jordan.

Mak 1:5

Jon napapra ke isak langane deka osep pula ka isak omur Judia ina e armok Jerusalem ina isak kla tipolou ke iye. Deka isak kensak kensak tiwai malak ke urok elio epmes ina ka vri ke isak. Deka iye paunim osep tonari ke aki Jordan.

Luk 9:6

Deka isak kla ke armok armok e tinapapra omon itau e tidue osep ka tipaia tipolou itau blang.

Jon 9:31

Iteile Ida Tapolngon klingen osep epmes ina alo ka tipmi iye ke wan bitna bitna kovok. E iye klingen osep ka tidue anit ke iye e ka tididi aitno vala.

Aposel 10:38

Alo ari Ida Tapolngon due Ano Itau sep ke Yesus ka Nasaret ina aitno e kar iye ila arit. Deka iye lila due elio itau e lua osep ka angelo soulu due isak manga manga. Iye due elio langane kesua Ida Tapolngon dong kap iye.

Aposel 19:18

E osep pula ka aitno lisak dagar ke Yesus tipolou ke osep pula amtarsak e tiwai malak ke urok elio epmes ina bitna bitna e tibisi ine kovok.

Aposel 8:24

Deka Saimon koli wai langane. “Amwai ke Ida Puda lama elio ka amwai ine polou ke ngong.”

Pas ka Pol sogoe uti la ke osep Rom ina 3:10

Oglou gute napaprangan ina gesa sogo Ida Tapolngon ila pelengon langane. “Gute kene gesa dong ka ila elio itau kovok.

Pas ka Pol sogoe uti la ke osep Rom ina 5:19

Oglou gute kene Adam dar Ida Tapolngon ila pelengon deka itosep ka pula keniye itopolou osep epmes ina ine. E mase dau tauni Yesus me dong e didi Ida Tapolngon ila pelengon keniye. E eknikane Ida Tapolngon due itosep pula itopolou itau e osuk ke bitna. Kesua batne oglou Yesus didi ila elio keniye vala.

Kolosi 1:9

Deka nogrum ke oklou mgongon ina ka imeklingen ke lumu elio itau aling aling imawai itau e imepmi Ida Tapolngon ma iye lua umu ma umeile omur ke aitno. E ma Ano Itau kar umu ilengen itau ma umeile ke elio bitna bitna ka aitno itau ine ma elio tonari bon ke aitno lumu.

1 Tesalonaika 5:17

E aling aling umawai itau ke Ida Tapolngon.

1 Tesalonaika 5:23

Ngawaiki Ida Tapolngon ka due aitno lite epen due umu umopolou itau lokono. E ngawaiki iye kere anmu e aitno lumu e pampamu lumu ma umodong itau lokono. E ma elio soulu gesa vri ke umu kovok alo ka Ida Puda Yesus Krais bauluk me.

1 Tesalonaika 5:25

Sipmi. Ma umepmi Ida Tapolngon ma iye lua imi.

Hibru 11:4

Abel aitno dagar ke Ida Tapolngon deka iye due elio opmu ina. E Ida Tapolngon aitno itau ke wan ka Abel due elio opmu ina ine e aitno itau kovok ke wan ka Kein due elio opmu ina ine. Abel aitno dagar ke Ida Tapolngon deka Ida Tapolngon sir iye gute ka itau e osuk. E eknikane lama oglou iye mete kodong aitno ila dagar dau nis ite ma aitno lite dagar ke Ida Tapolngon.

Hibru 11:7

Noa aitno dagar ke Ida Tapol-ngon e Ida Tapolngon palongo iye ke wan ka mase ma polou ka iye ile ine kovok. Ida Tapolngon wai deka Noa due anit ke iye e uri sip ombatno ma iye kap ila osua tidong itau ine. Noa aitno dagar deka ila elio tonari nis osep ka tidong ke taklak urok elio soulu. E Noa polou itau e osuk ke Ida Tapolngon bitna langka osep leklou ka aitno lisak dagar ke iye.

Hibru 12:13

E umelila ke ekreng ka osuk ma kopmu sasi kovok. Aurou. Ma tipolou itau vala.

Hibru 13:18

Aling aling umawai itau ke imi ma Ida Tapolngon lua imi. E imeile omur wan gesa vri ke imi kovok e aling aling imawaiki imodue elio itau vala.

1 Pita 2:24

Krais mana ke ina akai e mete e kasip amunte. E Ida Tapolngon due udo elio epmes ina munu pes Krais pampamu ine ma aitno lite oglou ina mete e itakaranga itodue elio itau e osuk vala. Osep timluk Krais e pampamu ine amal amal ma iye lua ite ma itopolou itau blang.

1 Jon 3:22

E langka itepmi Ida Tapolngon ke wan bitna bitna deka iye koli udo pmingen. Iye due langane kesua iteini ke ila pelengon e itodue elio isuk isuk ka aitno itau ine.